Инсонни бахтли қилишга қодир 40 та оддий ва майда нарса
Бахтли бўлиш учун нима керак? Эҳтимол, ҳар бир киши бу саволга дуч келар. Икки мингдан ортиқ катталар иштирок этган Доубле Трее меҳмонхоналар тармоғи томонидан ўтказилган сўровга кўра, ҳаётдаги оддий кичик нарсалар бизни чинакам бахтли қила олади.
Одамларнинг аксарияти оптимистлар эканлигини билиб ҳайратланишингиз мумкин: катталарнинг ярмидан кўпи қуйидаги нарсаларнинг 56%ида ўзларини жуда бахтли деб билишади. Сўралганларнинг тўртдан биридан кўпроғи, ёқимли майда нарсалар ҳар доим кўнглини кўтаришини айтди.
Тадқиқотлар шуни кўрсатдики, кичик сюрпризлар бизга кўпроқ қувонч бағишлайди ва респондентларнинг 82% ҳаётдаги энг яхши нарсалар кутилмаган ёқимли ҳодисаларда деб айтишган.
Ноттингем университети психология бўйича катта ўқитувчиси доктор Гленн Уилямс шундай дейди: «Бахтга олиб борадиган йўл катта режалаштирилган тадбирлар -турмуш қуриш, саёҳат, муҳим лавозимга кўтарилиш ёки таътилга чиқишлардангина иборат эмас. Аксинча, улар ҳаётда кичик ва кўпинча кутилмаган, бизни ҳар куни табассум қилишган ундайдиган қувончлардадир. Бу нарсалар бизнинг ва бошқаларнинг ҳаётини янада бахтли ва мазмунли қилишга ёрдам беради. »
Қуйида кундалик ҳаётда бизни хурсанд қиладиган энг оддий 40 та кичик нарсаларни тўпладик:1. Чўнтакдан узоқ вақтдан бери унитилган пулни топиб олиш.
2. Сиз бефарқ бўлмаган инсондан “Аҳволларинг қалай?” деган саволни эшитиш.
3. Янги ёки бўлмаса тоза чойшабда уҳлаш.
4. Чўмилиш ёки душ қабул қилиш.
5. Кўчада нотаниш болакайга табассум қилиш.
6. Уқалаш машқларини қабул қилиш.
7. Кунни бошлашдан олдин яқинларни бағрингизга босиш.
8. Уйғониб, ташқаридаги қуёшли ва гўзал тонгни қаршилаш.
9. Севган ва узоқ вақтдан бери эшитмаган одамингиз билан узун суҳбат қуриш.
10. Ҳеч қаерга боришга ҳожат бўлмаганда диванда ўранган ҳолда ёмғирни томоша қилиш.
11. Болалар қандай ўйнашини кузатиш.
12. Бироз вақтни севимли уй ҳайвонлари билан ўтказиш.
13. Нотаниш одам сизга қилган самимий табассумини кўриш.
14. Уйғонишдан ва кундалик ишларни бошлашдан олдин керишиб олиш.
15. Бахтли хотиралар ҳақида гап кетганда баланд овоз билан кулиш.
16. Фарзандингиз кечки овқат тайёрлашда ёрдам беришини қувонч билан қабул қилиш.
17. Майсазорда янги сабза урган ўтлар ҳиди ёки иссиққина пиширилган нон каби ўзингиз ёқтирган ифордан тўйиб нафас олиш.
18. Севгани нсонингиздан илиқликни ҳис этиш.
19. Батареяда иситилган кийимни кийиш.
20. Ҳамма нарса тезкор ритмда айланаётган паллада бир неча дақиқага тўхташ.
21. Қуёш ботишини ёки чиқишини томоша қилиш.
22. Ёмғирдан кейин ташқаридаги ҳидни туйиш.
23. Севимли қўшиқчининг қўшиғини ёки севимли мусиқий албомни тинглаш.
24. Дўстлардан хатни электрон почта орқали ёки жонли эфирда олиш.
25. Нима касб бўлишидан қатъий назар ижодий имкониятлардан фойдаланиш.
26. Севгилингиз билан қўл ушлашиб сайр қилиш.
27. Ётоқда нонушта қилиш.
28. Ёшликдаги севимли ўйинни ўйнаш.
29. Соғлом ва мазали таомларни истеъмол қилиш.
30. Мириқиб уҳлаш.
31. Севган китобни мутолаа қилиш учун вақт ажратиш.
32. Севимли ичимликни сотиб олиш ёки енгил газак билан лаззатланиш.
33. Сизни севадиган кишидан гуллар ёки ёқимли совғалар қабул қилиш.
34. Қуёшнинг илиқ тафти остида ташқарида овқатланиш.
35. Янги рецептни синаб кўриш ва турли-туман мазали егуликларни тайёрлаш.
36. Ҳар қандай ишда дўстлар ёки оила ёрдамини ҳис этиш.
37. Севимли лекин анчадан бери эшитилмаган қўшиқни тинглаш.
38. Бировнинг муаммоларига ёрдам беришга вақт ажратиш.
39. Тоза ва озода бўлган уйда вақт ўтказиш.
40. Кир ювиш машинасини тузатиш ёки лампочкани алмаштириш каби кичик ғалабани қўлга киритиш.
Кизикарли маълумотлар
Инсонни бахтли қилишга қодир 40 та оддий ва майда нарса