Қайтиб беринг севги хакида шеър
![Қайтиб беринг севги хакида шеър 1 Қайтиб беринг](https://megabaza.net/wp-content/uploads/2024/04/d29bd0b0d0b9d182d0b8d0b1-d0b1d0b5d180d0b8d0bdd0b3-d181d0b5d0b2d0b3d0b8-d185d0b0d0bad0b8d0b4d0b0-d188d0b5d18ad180_660e2eb9e3d25.png)
Олов каби нигоҳларингиз
Ёндирдилар дард, ғамларимни.
Бир мисра ҳам тузолмай қолдим
Қайтиб беринг аламларимни.
Шеър аталмиш шу юпанч, ожиз
Тўлдирарди дил камларимни.
Бахтдан умид узолмай қолдим.
Қайтиб беринг аламларимни.
Хаёлимдан қушдай қувдингиз,
Кўнгли доғли санамларимни.
Қайғуга қўл чўзолмай қолдим,
Қайтиб беринг аламларимни.
Илхомим ҳам йўқолди изсиз,
Синдирдингиз қаламларимни.
Кўз ёшларда сузолмай қолдим,
Қайтиб беринг аламларимни.
Яшнатди соф тоза меҳрингиз
Қалбдаги бўш оламларимни.
Бутун кўнглим бузолмай қолдим,
Қайтиб беринг аламларимни.
Севги хакида шерлар, Шерлар
Қайтиб беринг севги хакида шеър