Kiyim Kechak Narxlari

Qimmatbaho lyuks brendlari odamlarga o’zlarini to’laligicha maqomini, xukmronligi va nufuzini his etish imkonini beradi. Oddiy odamlar sirasiga kiradigan 99 foiz aholining aksariyat qismi o’zi uchun kerakli bo’lgan eng zarur narsani harid qilishga uringan paytda badavlat odamlar jamiyatdagi nufuz va yagonaligini namoyon qilish maqsadida hashamatli narsalarni sotib oladi.

Ko’pchilik lyuks brendlari bundan o’z manfaatlarida foydalana biladilar. Eng eksklyuziv brend maqomi badavlat haridorlar uchun jozibalilikka qo’shib uning qiymatini ham oshiradi. Qiziq, dunyodagi eng qimmatbaho brendlar qaysi ekan? Quyida lyuks toifasiga kiruvchi eng qimmat brendlar ro’yxati bilan tanishasiz.

25. Lancome

7 milliard AQSH dollariga teng lyuks toifasidagi kosmetik vositalarning bu brendi 1964 yildan buyon L’Oreal kompaniyasining mulki hisoblanadi. Kompaniya Parijdan tashqarida joylashgan, o’z mahsulotlari reklamasi uchun odatda Juliya Roberts (Julia Roberts), Keyt Uinslet (Kate Winslet) va Penelopa Krusni (Penelope Cruz) taklif etadi.

24. Ralph Lauren

O’zining 26 000 xodimi va 7,9 milliard AQSH dollariga teng qiymati bilan Ralph Lauren avvalgilardek yetakchi brendlardan biri bo’lib qolyapti. Nyu-Yorkda tashkil etilgan Ralph Lauren serhasham kiyim-kechak, uy jihozlari, aksessuarlar va muattar iforli atir vositalarini keng ommaga taqdim etadi.

23. Tiffany & Co

Tiffany & Co. o’zining asosiy etiborini hashamatli zargarlik buyumlarida jamlagan bir paytda kompaniya shuningdek, boshqa aksessuarlar qatorida charmdan, farfor va kumushdan yasalgan buyumlar ham sotadi. Forbes ma’lumotiga qaraganda brendning qiymati 11,6 milliard AQSH dollariga teng.

22. Clinique

Bozordagi ko’p sonli kosmetik brendlardan biri sifatida Clinique markasi bu toifadagi boshqa kompaniyalardan ancha mavqei baland ekanligi bilan ajralib turadi. Royal relief methodology bahosiga ko’ra, Clinique brendi 5,96 milliard AQSH dollariga teng.

21. Versace

1978 yilda mashhur dizayner Janni Versache (Gianni Versace) tomonidan tashkil etilgan Versace brendi bugungi kunga qadar eng mashhur va serhasham brendlar toifasidagi o’z o’rnini yo’qotmay kelmoqda. Bu hashamatli moda brendining qiymati tahminan 5,8 milliard AQSH dollariga teng.

20. Armani

Djordjio Armani (Giorgio Armani) – 1975 yilda Armani imperiyasini tashkil etgan italiyalik modelyer. Kompaniya kiyimdan tashqari parfyumeriya, uy bezaklari va xatto bolalar kiyimlarini ishlab chiqaradi. Forbes ma’lumotlariga qaraganda 2012 yilda uning qiymati 3,1 milliard AQSH dollariga teng deb baholangan.

19. Cadillac

Cadillac doimo hashamatli avtomobillar brendi sifatida tanilib kelgan. Kompaniya brend sifatida bir qancha vaqt turg’unlik holatida ham bo’lgan, ammo keyingi yillarda qator o’zgarishlar samarasi o’laroq brend lyuks toifasidagi avtomobillarning eng nufuzli markalari qatoridagi o’rnini tiklab oldi.

18. Marc Jacobs

Ko’pchilikning fikri bo’yicha o’z avlodining eng iste’dodli modelyeri, Mark Djeykobs (Marc Jacobs) o’z kompaniyasini Louis Vuittondan ketganidan keyin tashkil qilgan. Uning qiymati kamtaringina 1 milliard AQSH dollariga teng keladigan bir paytda Marc Jacobs brendi avvalgidaek moda sanoatidagi lyuks toifasining bir qismiga aylandi va o’zining haridorgirligi borasida ham avvalgidek ommabop bo’lib qolmoqda.

17. Dolce & Gabbana

Modaning serhasham lokomotivi bo’lmish Dolce & Gabbanani tanishtirish uchun ko’p so’z kerak emas, bizningcha. Ularning kiyim-kechak, zargarlik buyumlari va parfyumeriya tizimi moda olamini hamon egallab kelmoqda. 2013 yilda kompaniyaning qiymati 5,3 milliard AQSH dollariga etgan.

16. Coach

1941 yilda asos solingan Coach brendining mahsulotlarini jami besh qit’adan topish mumkin. Kompaniya asosan ayollar va erkaklar uchun hashamatli sumkalar va boshqa aksessuarlar ishlab chiqarishga ixtisoslashgan. Brendning narxi 8,6 milliard AQSH dollariga teng.

15. Oscar de la Renta

1965 yilda modelyer Oskar de la Renta (Oscar de la Renta) tomonidan asos solingan xuddi shunday nomli kompaniya kiyim-kechak va atirlardan tortib aksessuar va bezaklargacha bo’lgan ko’p sonli serhasham mahsulotlarni ishlab chiqaradi.

14. Fendi

Rimda joylashgan shtab-kvartirasi bilan birga Fendi modalar uyi dunyo bo’ylab ochilgan 117 nafar do’konlariga ham ega. Bu brend dunyodagi obro’li brendlar qatoridagi o’n to’rtinchi o’rinni egallaydi, Fendi sumkachalarining bir donasi uchun esa mijozlar 2000 AQSH dollaridan 5000 AQSH dollarigacha pul to’lashadi.

13. Burberry

Burberry – uzoq tarixiga ega bo’lgan Britaniyaning lyuks toifadagi modalar uyi. U 1865 yilda tashkil topdi va dastlabki serhasham kiyimlar tizimini ishlab chiqardi. Uning qiymati 4,1 milliard AQSH dollarini tashkil etadi, Burberryning birgina kurtkasi esa 35 000 AQSH dollarigacha narxga ega bo’lishi mumkin.

12. Cartier

1847 yilda Parijda asos solingan Cartier brendi o’zining hashamatli qo’l soatlari va zargarlik buyumlari bilan tanilgan. Bu kompaniya o’zining noyob mahsulotlarini butun dunyo uzra joylashgan 300 do’konlar tarmog’i orqali sotadi, uning qiymati esa 9,6 milliard AQSH dollariga baholanadi.

11. Chanel

Chanel – qimmatbaho kiyim-kechak, parfyumeriya va sumkachalarni ishlab chiqaradigan xususiy kompaniya. 2017 yil may oyi holatiga ko’ra Forbes jurnali bu brendni 7,2 milliard AQSH dollariga baholangan va uni eng qimmat brendlar qatoriga kiritgan.

10. Rolex

Rolexga Shveytsariyada asos solingan va u 1905 yildan buyon serhasham qo’l soatlarini ishlab chiqaruvchi ilk kompaniya bo’lib kelmoqda. 1926 yilda u ilk bor suv o’tkazmaydigan qo’l soatlarini yaratdi va hamon sport dunyosida o’z ishtiroki bilan qatnashib kelmoqda. Forbes bu kompaniya narxini 8,7 milliard AQSH dollariga teng baholadi.

9. Prada

Prada brendi – lyuks toifadagi moda kompaniyasini barcha moda ishqibozlari yaxshi bilishadi va u chamasi o’sishni davom ettirayapti. Keyingi yillarda brend narxi 9,5 milliard AQSH dollarigacha ko’tarildi.

8. Zara

Dizayner Amansio Ortega Gaona (Amancio Ortega Gaona) tomonidan tashkil etilgan, Zara brendi 1975 yilda Ispaniyada paydo bo’ldi. O’sha vaqtdan beri kompaniya qiymati 9,4 milliard AQSH dollarini tashkil etadigan olamshumul brendga aylandi.

7. Gucci

Gucci o’z faoliyatini charm buyumlar ishlab chiqaradigan kichik bir do’kon sifatida boshlagan va asta-sekinlik bilan modaning gigantiga aylangan. Xozirda u o’ziga nisbatan kattaroq bo’lgan konglomeratning bir qismi, lekin brendning o’zi 12,7 milliard AQSH dollariga teng deb baholanadi.

6. BMW

Sersavlat va serhasham avtomobillar ishlab chiqaruvchisi BMW o’zining qimmatbaho transport vositalari bilan tanilgan. Yangi BMWni harid qilgan har qanday kimsa faqatgina avtomobilning narxi tufayli nisbatan yuqori iqtisodiy toifaga kirib qoladi. Shu bilan birga brend 24,56 AQSH dollariga baholanadi.

5. Estee Lauder

Kosmetik mahsulotlarni ishlab chiqaradigan Estee Lauder kompaniyasi, o’zida umumiy qiymati 30,8 milliard AQSH dollariga teng bo’lgan lyuks brendini aks ettiрadi. Estee Lauder Nyu-Yorkda tashkil topgan bo’lib, bu kompaniya terini parvarish qilish mahsulotlaridan tortib muattar iforlargacha bo’lgan ko’plab mahsulotlarni ishlab chiqaradi.

4. Dior

Dior kompaniyasi dastlab fransuz modalar uyi sifatida ish boshlagan, keyin esa eng nozik iforlar, qo’l soatlaрi va bezaklar tufayli Yevropada mashxur bo’lib ketdi. Brendning qiymati 11,9 milliard AQSH dollariga teng deb aytiladi.

3. Audi

Audi – dunyodagi eng serhasham avtomobil rusumlaridan biri. Volkswagen kompaniyasiga tegishli avtomobillar juda ommabop va xaridorgir bo’lib qolmoqda, 2016 yilda esa kompaniya tomonidan 1,9 million avtomobil ishlab chiqarildi. Kompaniya Forbes Most Valuable Brands ro’yxatidan 37 o’rinni egalladi va qiymati 14,1 milliard AQSH dollariga baholandi.

2. Hermes

Germes 1837 yilda modelyer Tyerri Xerme (Thierry Hermes) tomonidan tashkil qilingan. Ayni kunlarda brend kiyim-kechak, poyabzal, soatlar, galstuklar va boshqa ko’plab moda aksessuarlarini ishlab chiqaradi. Hermes brendining qiymati 10,6 milliard AQSH dollariga teng.

1. Louis Vuitton

2014 yilda o’zining 160 yilligini nishonlagan Louis Vuitton sayyoramizdagi eng dabdabali brendlardan biri. Kompaniya kiyim-kechakdan tortib poyabzal, sumkalar va qo’l soatlariga qadar modaga oid bo’lgan barcha narsalarni ishlab chiqaradi. Brendning qiymati 28,8 milliard AQSH dollariga tengdir.

Qiziqarli malumotlar
Kiyim kechak narxlari