OʻZBEKISTON OVOZI

OʻZBEKISTON OVOZI

«OʻZBEKISTON OVOZI» — ijtimoiy-siyosiy gazeta. Muassisi Oʻzbekiston Xalq demokratik partiyasi. Haftada 3-marta, rus tilidagi nashri — «Golos Uzbekistana» esa 1-marta chiqadi. Dastlabki soni 1918 yil 21-iyunda — «Ishtirokiyun» («Kommunist») nomi bilan chiqqan. Keyinchalik «Qizil bayroq» (1920), «Turkiston» (1922), «Qizil Oʻzbekiston» (1924), «Sovet Oʻzbekistoni» (1964) nomlarida nashr etilgan. 1991-yildan hoz. nomda. Gaz. ga turli yillarda U. Eshonxoʻjayev, Qamchinbek, K. Aliyev, Q. Sorokin, M. Shermuhammedov, M. Romiz, M. Hasanov, V. Rahimiy, A. Xudoybaxtov, M. Usmonov, R. Majidiy, A. Oʻrazayev, R. Abdurahmonov, S. Azimov, 0. Abdurahmonov, S. Rajabov, H. Gʻulomov, Sh. Rashidov, M. Qoriyev, L. Qayumov, Oʻ. Usmonov, R. Rahmonov, Sh. Ubaydullayev, A. Suyun va boshqalar muharrirlik qilgan.

Ensiklopediya.uz
OʻZBEKISTON OVOZI