USTYURT
USTYURT — Oʻzbekistonning shim. gʻarbi (Qoraqalpogʻiston) va Qozogʻiston hududlaridagi plato. Sharqaa Orol dengizi va Amudaryo deltasi, gʻarbda Mangʻishloq ya. o. va Qoraboʻgʻozgoʻl qoʻltigʻi, shim. da Kaspiyboʻyi pasttekisligi oraligʻida joylashgan. Mayd. 200 ming km2. Oʻrtacha bal. 150—250 m, eng baland joyi (370 m) jan. gʻarbida. Ustyurtning atrofi 60—150 m li tik jarlik (chink)lardan iborat. Chinklar har xil chuqurlikdagi jar va soylar bilan kesilgan. Ustyurtning shim. chinklari shim. gʻarbda Oʻlikqoʻltiq shoʻrligidan boshlanib, shim. da Katta Boʻrsiq qumligiga borib taqaladi. Platoning baland sharqiy chegarasi Orol dengizining avvalgi qirgʻogʻi va Amudaryo deltasidan, jan. chinklari Qoraqum choʻli va Oʻzboy oʻzani, gʻarbiy chinklari esa Koraboʻgʻozgoʻl qoʻltigʻining gʻarbiy sohili, Qorniyoriq botigʻi, Qaydak shoʻrligi orqali oʻtadi.
Ensiklopediya.uz
USTYURT