SNAYPER
SNAYPER (ing. snipe — panadan otmok,) — maxsus moʻljalga olish moslamasi bilan jihozlangan quroldan otish, dushmandan panalanish va uni kuzatish sirasrorlarini egallagan mergan. S. nomi 1-jahon urushi davrida ingliz armiyasida paydo boʻlgan, 2-jahon urushida keng qoʻllanilgan. Snayper maxsus jihozlangan pana joy (pozitsiya)dan turib otadi. Ayrim hollarda Snayper qorongʻida koʻrish va kuzatish asbobi bilan ham taʼminlanadi. Snayper 800 m gacha uzoklikdagi nishonni poylashi mumkin. Artilleriya, tank qoʻshinlari va aviatsiyadagi mohir otuvchilar ham Snayper deb ataladi. Oʻzbekistonda qad. qoʻshinlardagi mohir kamonchilar va ovchilar mergan deb atalgan.
Ensiklopediya.uz
SNAYPER