RIZO ABBOSIY

RIZO ABBOSIY, Rizoyi Abbosiy (1575, Kashan — 1635) — musavvir; Isfahon miniatyura maktabining yiriknamoyandasi. Rizo Abbosiy maishiy sahnalar va alohida varaqlarda portretlar yaratgan. Rizo Abbosiyning ijodiy taraqqiyoti (Muhammadiy anʼanalariga asoslangan) koʻtarinki ruhdagi hayotbaxsh kompozitsiyalardan varaklarda ichki qudratga toʻliq tasvirlar yaratishga oʻtishi bilan kuzatiladi («Moʻyna telpak kiygan qiz», «Sevishganlar», «Oʻsmir va qoʻy» va b.). Asarlari Tehrondagi Guliston saroyida, Rossiya milliy kutubxonasida, Kembrijdagi Fitsuilm muzeyi va xususiy toʻplamlarda saqlanadi.

Ensiklopediya.uz
RIZO ABBOSIY