NOVELLA
NOVELLA (ital. novella) — nasrning kichik janri, hikoyaning bir turi. Dastlab qissa hajmidagi asarlar ham Novella deb atalgan. Novella hikoyadan syujet va kompozitsiyasining qatʼiyligi, tavsifiyligi va psixologik tasvirdan xoliligi, voqealarning gʻalati va hayratomuzligi, ramziy unsurlarning mavjudligi va b. b-n ajralib turadi. Jahon adabiyoti klassiklari G. Mopassan, A. P. Chexov, E. Xeminguey, nemis novellachilari L. Tik, G. fon Kleyst va b. N. ning yaxshi namunalarini yaratganlar. Oʻzbek adabiyotida A. Qahhorning «Mayiz yemagan xotin», «Dumli odam» singari hikoyalari hajviy Novella janr talablariga koʻproq javob beradi.
Ensiklopediya.uz
NOVELLA