QIZILTASMA
QIZILTASMA, chumchuqtili, burgun — torondoshlarga mansub bir yillik begona oʻt. Poyasi yotib, baʼzan koʻtarilib oʻsadi, boʻyi 25—60 sm. Sershox, boʻyi barobar barg bilan qoplangan. Barglari ellipssimon, nashtarsimon, kalta bandli, toʻpguli barg qoʻltigʻida joylashgan. Urugʻi pishib yetilgandan keyin ham gulqoʻrgʻoni qoʻngʻirqizil oʻralganicha qoladi. Urugʻi mayda, qora, uch qirrali. Oʻq ildizli, tuproqqa 20 — 30 sm gacha kirib boradi. Qiziltasma barcha lalmikor va sugʻoriladigan yerlardagi gʻalla, ayniqsa, kuzgi don ekinlari, paxta maydonlarida koʻp uchraydi, tuproq tanlamaydi. Dorivorlik xususiyatiga ega.
Ensiklopediya.uz
QIZILTASMA