KONSOY POLIMETALL KONI
KONSOY POLIMETALL KONI — Tojikistonning Sugʻd viloyatidagi Gʻarbiy Qoramozor tizmasining Okurdevon togʻida joylashgan kon. Xoʻjand t. y. stansiyasidan 49 km shim.-sharkda. Konsoy polimetall koni mashhur Konsoy skarnli polimetall rudali maydonidagi konlar turkumiga kiradi. Korolyovo, Konsoy, Qizilqum, Darboza, Okurdevon, Shevchukov va b. polimetall konlaridan iborat. 1925-y. dan muntazam geologik qidiruv tadqiqot ishlari boshlandi. 1933-y. dan boshlab Konsoy polimetall konidan ruda qazib olinmokda. Konsoy polimetall koni va granitoid intruziv massiv bilan karbonat qatlamlari orasida vujudga kelgan skarn hosil boʻlish jarayonlari bevosita bogʻliqdir. Rudalarning (skarnli galenit-sfalerit pirit tarkibi) asosiy qismi ohaktoshlar orasida tashqil topgan.
Ensiklopediya.uz
KONSOY POLIMETALL KONI