KASHKADARYA

«KASHKADARYA» (Qashqadaryo) — Qashqadaryo viloyati hokimligining ijtimoiy-siyosiy gazetasi. Qarshi sh. da rus tilida haftada 1-marta chop etiladi. 1943-y. 18-iyunda «Kashkadarinskaya pravda» nomi bilan 1-soni chiqqan. 1997-y. dan hoz. nomda. 1996-y. «Kashkadarya» tahririyati «Qashqadaryo» gazetasi tahririyatiga qoʻshildi. Gaz. sahifalarida istiqlol mafkurasi, milliy gʻoyani shakllantirish, viloyatda roʻy berayotgan siyosiy, ijtimoiy jarayonlar, iqtisodiy islohotlar va b. mavzular oʻz aksini topmoqda. 2002-y. dan gaz. ga «TV+krossvord» ilovasi qoʻshib chiqariladi. Adadi 3000 (2002).

Ensiklopediya.uz
KASHKADARYA