KOVALEVSKIY Vladimir Onufriyevich

KOVALEVSKIY Vladimir Onufriyevich (1842.2(14) .8, Latviyaning Dinaburg uyezdi Shustyanka qishlogʻi — 1883.16(28).4, Moskva) — rus tabiatshunosi, evolyutsion paleontologiyaning asoschisi. A. O. Kovayayevskiyning ukasi. Peterburg huquqshunoslik bilim yurtini tugatgan (1861). Paleontologiya sohasida tadqiqot olib borgan. Qazilma suyak qoldiqlarini tadqiq qilish asosida ot ajdodlarining evolyutsiyasini tushuntirib bergan. Organizmning moslashuvchanlik va moslashmaslik evolyutsiyasi toʻgʻrisidagi taʼlimotni yaratgan, mezozoy va kaynozoy choʻkma jinslarining stratigrafiyasi masalalarini ishlab chiqqan.

As: Sobraniye nauchnыx trudov, t. 1—3, M., 1950-60.