YEVROPA KOʻMIR VA POʻLAT BIRLASHMASI

YEVROPA KOʻMIR VA POʻLAT BIRLASHMASI — Yevropa hamjamiyatini tashkil etgan mamlakatlarning koʻmir va poʻlat umumiy bozorini boshqargan birinchi rahbar organ. 1950-y. da Fransiya tashqi ishlar vaziri R. Shuman taklif etgan rejaga asosan 1951-y. da koʻmir, temir rudasi qazib olish, poʻlat i. ch. ni rivojlantirish maqsadida tashkil etilgan. Dastlab birlashmaga Yevropa hamjamiyatining olti mamlakati (Fransiya, Germaniya, Italiya, Belgiya, Niderlandiya va Lyuksemburg) kirgan, keyinchalik Yevropa Ittifo-qmning boshqa aʼzolari ham qoʻshildi. Gʻarbiy Yevropada qazib olinadigan deyarli barcha toshkoʻmirni, choʻyan va poʻlat eritishning 90%ni, temir rudasi qazib olishning 90%ni nazorat qiladi.