YANICHARLAR

YANICHARLAR (turkcha — yangi qoʻshin) — Usmonli turk imperiyasida davlat xazinasidan maosh olib turgan muntazam piyoda qoʻshinlar. 14-asrda Turkiya sultoni Murod I davrida tuzilgan. Dastlab asirga tushgan oʻspirinlardan, soʻng Usmonli turk imperiyasining xristian aholisi orasidan zoʻrlik bilan olingan askarlardan iborat boʻlgan. Sipohiy va otliq qoʻshinlar bilan birga Yanicharlar turk qoʻshinining asosini tashkil etgan. 1826 yil 15-iyunda ular Sulton Mahmud II ning harbiy islohotlariga qarshi fitna uyushtirishgan, fitna bostirilgach, Yanicharlar butunlay tugatilgan.