ZOKIROV Poʻlat Qodirovich

ZOKIROV Poʻlat Qodirovich (1932.15.1, Jalolobod — 1993.21.10, Toshkent) – geobotanik, Oʻzbekiston FA muxbir aʼzosi (1989), biol. fanlari d-ri (1971), prof. (1983), Q. Zokirovning oʻgʻli. Urta Osiyo un-tini tugatgan (1954). Oʻzbekiston FA Botanika in-tida ilmiy xodim (1957—68), lab. mudiri (1969—82), ToshDU yuksak oʻsimliklar kafedrasi prof. (1983—85), Oʻzbekiston FA Botanika bogʻi direktori (1985—93). Oʻsimlik xom ashyolari, oʻtloklardan oqilona foydalanish va ularni muhofaza qilish, geobotanik r-nlashtirish va xaritalar tuzish ustida tadqiqot olib borgan.