YUQORI MOLEKULALI BIRIKMALAR

YUQORI MOLEKULALI BIRIKMALAR (polimerlar) — molekulalari oʻzaro kimyoviy bogʻlar bilan bogʻlangan 100 ming va, hatto millionlab atomlardan tashkil topgan moddalar. Polimerlar yoki oligomerlar zanjiri tarkibiga kiradigan har qanday atom yoki atomlar guruhi tarkibiy zveno deyiladi. Koʻpchilik Yuqori molekulali birikmalarning tavsifli xususiyatlari shundaki, ularning molekulalari koʻp marta qaytariladigan bir xil yoki bir necha xil zvenolardan tashkil topgan boʻladi (q. Polimerlar).