YORUGʻLIK SEZGIR MATERIALLAR

YORUGʻLIK SEZGIR MATERIALLAR — yorugʻlik nuri taʼsirida fizikkimyoviy jihatdan oʻzgaradigan materiallar (foto yoki kinoplyonkalar, foto qogʻozlar). Fotografiya va kinematografiyada Yorugʻlik sezgir materiallar tayyorlashda ishlatiladigan yorugʻlik sezgir modda sifatida, koʻpincha, kumushning galoid tuzlari (kumush bromid, kumush xlorid, kumush yodid) ishlatiladi. Fotoplastinka, fotoplyonka, kinoplyonka (selluloid, triatsetat yoki atsetilsellyuloza) va fotoqogʻozga shunday moddalar surkaladi (yana q. Fotomateriallar).