DEHQONOBOD haqida malumot bilib oling.
DEHQONOBOD — Sirdaryo viloyatidagi shaharcha. Guliston tumaninnnt markazi. Aholisi 10,5 ming kishi (2000); asosan oʻzbeklar, shuningdek, rus, ukrain, tatar, koreys, tojik va b. millat vakillari ham yashaydi. Viloyat markazi — Gulistondan 24 km. Yaqin t. y. stansiyasi — Guliston (24 km).
Dehqonobodda dastlab 1886-y. Rossiyaning Poltava, Tver gubernyalaridan podsho hukumati tomonidan koʻchirib keltirilgan rossiyaliklar yashagan. 1887-y. dan qishloq Romanovsk deb atalgan. 1913-y. hoz. mudofaa ishlari boʻlimi binosida rus-tuzem maktabi ochilgan. 1923—92 y. larda Krestyanok posyolkasi deb atalgan.
Dehqonobodda 2 umumiy taʼlim maktabi, iqtidorli bolalar litseyi, qishloq xoʻjalik litseyi, sanatoriy tipidagi internat maktabi mavjud. 1997-y. respublika BAning tasviriy va amaliy sanʼat internat maktabi tashkil etildi. 1941—45 y. lardagi urush qurbonlariga yodgorlik monumenti oʻrnatilgan. 1986-y. Alisher Navoiy nomidagi madaniyat saroyi qurildi. Dehqonobodda viloyat «Ona va bolalar» fizioterapiya shifoxonasi, markaziy kasalxona, bolalar kasalxonasi, poliklinika, dorixona, 30 dan ziyod savdo, umumiy ovqatlanish va 10 dan ortiq maishiy xizmat punkti bor. Avtokorxona, 3 qurilish koʻchma kolonnasi, 2 taʼmirlash korxonasi, faoliyat koʻrsatmoqda. 1998-y. «Supermarket», «Dehqon bozori» qurib foydalanishga topshirildi.
Ensiklopediya.uz
DEHQONOBOD