Al-Xorazmiy algoritmlash tanlovi(yangilandi)

(Rasm
Busy.org)

Assalom alaykum.

Texnoman.uz noyabr oyi #4 tanlovi va Texnoman.uz saytining 4 yoshga to’lishi, hamda, algoritmlashni rivojlantirish maqsadida sayt ma’muriyati buyuk matematik, astronom, geograf, dunyoga faniga algebra fanini kiritgan Muhammad ibn Muso al Xorazmiy nomidagi «Al-Xorazmiy algoritmlash» tanlovini e’lon qiladi.

Tanlov shartlari
quyidagicha:

1. Tanlovda qatnashish uchun ishtirokchilar Texnoman.uz saytida «Algoritmlash» blogida «Yangi» turdagi maqola joylashtirishlari kerak;
2. Ushbu maqolada biron bir algoritm, biron bir dasturlash tilida izohlari bilan ko’rsatib berilishi zarur;
3. Maqolada #texnomantanlov va #al-xorazmiy teglari qatnashgan bo’lishi kerak;
4. Tanlovga maqolalar 30-noyabrgacha qabul qilinadi;
5. Tanlov g’olibi aniqlash uchun 1-dekabrdan 8-dekabrgacha ovoz berish jarayoni tashkil etiladi;
6. Agar 1-dekabr holatiga ko’ra tanlovga qatnashish uchun 5 tadan kam maqola kelib tushsa, ovoz berish jarayoni bo’lmaydi va tanlov bekor qilinadi.

Al-Xorazmiy algoritmlash tanlovi g’olibiga 100.000 so’m pul mukofoti taqdim etiladi. Pul mukofoti sovrindorga qulay bo’lgan usulda yetkaziladi.

7-noyabr 2018-yil. Tanlov shartlari o’zgartirildi:

Ushbu tanlov yuzasidan bir qancha takliflar tushdi. Bir nechta yaxshi insonlar, ushbu tanlovimizga homiy bo’lish taklifini bildirishdi. Shu sababli, tanlov qoidalari o’zgartirildi:

1. Tanlov shartlari orasidan 6-shart olib tashlandi. Endilikda, tanlovda nechta ishtirokchi qatnashishidan qat’iy nazar, g’oliblarni aniqlash jarayoni tashkil etiladi va g’oliblar aniqlanadi.

2. Homiylar yordami bilan, tanlov g’oliblariga quyidagi pul mukofotlari beriladi:

1-o’rin 200.000 so’m;

2-o’rin 150.000 so’m;

3-o’rin 100.000 so’m.

Kutilmagan sabab va vaziyatlar bo’lganda, tanlov tashkilotchilari(sayt ma’muriyati) tanlovni bekor qilish yoki tanlov qoidalarini o’zgartirish huquqini o’zida saqlab qoladi!