GANDAMAK SHARTNOMASI haqida malumot bilib oling.

GANDAMAK SHARTNOMASI — 1879-y. 26-mayda Kobul yaqinidagi Gandamak qishlogʻida Angliya bilan Afgʻoniston oʻrtasida tuzilgan tinchlik shartnomasi. Gandamak shartnomasini Afgʻoniston amiri Yoqubxon b-n Buyuk Britaniya hukumatining vakili Lui Kavanyari imzolagan. Gandamak shartnomasiga muvofiq, Afgʻoniston tashqi siyosat masalasida mustaqil harakat qilishdan mahrum boʻldi; hukumatning ichki siyosatini Britaniyaning Afgʻonistondagi elchisi belgilaydigan boʻlib qoldi. Bundan tashqari Qandahor shahri, Qurram, Sibi, Pishin viloyatlari ingliz hukmronligi ostiga oʻtdi. Xaybar va Michin dovonlarida inglizlar nazorati oʻrnatildi.