DO`STLARGA ULASHING:

Melvil Dyuey kutubxona sohasida o‘nlik klassifikatsiya tizimini yaratgan holda » Kataloglashtirish va kutubxona faoliyati»ga o‘zining beqiyos hissasini qo‘shgan mashhur shaxslardan biri sanaladi. U 1851-yili Nyu-Yorkda tug‘ilgan bo‘lib, Amhers’ kollejida o‘qib yurgan yillari o‘z xarajatlarini qoplash maqsadida maktab kutubxonasida ishlay boshlaydi. Shu tariqa kutubxona faoliyatiga kirib kelgan Melvil universitetni tamomlagunga qadar kutubxonachi sifatida faoliyat yuritadi . Ushbu yillar davomida u ko‘plab kataloglashtirish va kutubxona fondini tashkil etish metodlarini tajribadan o‘tkazib , keyinchalik o‘zining o‘nlik klassifikatsiyasini yaratadi. 1876-yili Dyuey hattoki Amerika Kutubxona assotsiatsiyasini yaratishda o‘z yordamini beradi. 1882-yildan Kolumbiya universiteti rahbari, 1888-yil esa, Nyu-York shtati kutubxonasi direktori etib tayinlanadi. So‘ngra u Amerika Kutubxona Assotssiatsiyasida 1890-yilgacha kotib vazifasida, 1890-93 yillarda esa, assotsiatsiya prezidenti lavozimida ishlaydi. Ushbu davr mobaynida u Kutubxona iqtisodiyoti maktabiga asos soladi. 1906-yilda nafaqaga chiqqan ushbu shaxs kutubxonachilik faoliyati tarixida «Zamonaviy kutubxonachilik otasi» deya e‘tirof etib kelinadi.

akt.uz