BOJ haqida malumot bilib oling.

BOJ, boj puli — 1) oʻrta asrlarda Uzoq va Yaqin Sharq mamlakatlarida savdogarlar, hunarmandlar va b. dan olingan soliq; shuningdek, magʻlub podsholiklar tomonidan yoki zabt etilgan xalqlardan gʻolib tomonga toʻlangan natural yoki pul soligʻi ham Boj deb atalgan; 2) mamlakat chegarasidan olib oʻtiladigan import tovarlari, molmulk, qimmatbaho buyumlar va b. uchun davlat boj nazorati undiradigan pul yigʻimlari. Boj mamlakat manfaatini koʻzlab undiriladi, xalqaro va millim boj tariflariga asoslangan holda milliy bozorga turli tovarlarning noqonuniy oqib kelishiiing oldini oladi, tovarlar importini muvofiqlashtirib, mamlakat doirasidagi taqchil tovarlar eksportini chegaralashga xizmat qiladi. Boj bilvosita soliq turi boʻlib, uning mol kiritish, mol chiqarish va mamlakat hududi orqalitashib oʻtkazish (tranzit) uchun undiriladigan turlari bor. B. muayyan tovarlar miqdori, donasi, metri, birligi, shuningdek tovar bahosi (q. Advalor boj) boʻyicha belgilangan boj tarifы doirasida olinadi.