Kim bo’lsam ekan mavzusida tadbir senariysi to’liq malumot oling

Kim bo’lsam ekan

  Ushbu  tadbir  orqali  o’quvchilarni o’zlari  sevgan kasb- hunarlariga muhabbat  ruhida tarbiyalash ,  yaxshi insonlar bilan faxrlanish   hissini  uyg’otish , ularning  qilgan  ishlari , qoldirgan  meroslarini o’rgatish  , o’quvchilarni  mehr – oqibatli  , xushmuomala bo’lishiga  va o’z  maqsadiga  erishish  yo’lida  tinimsiz  izlanishga  undash .

Dasturni  2 ta  boshlovchi olib  boradi .

           Hamma  :

      Assalomu  alaykum

Xush  kelibsiz  aziz  mehmonlar ,

Baxt  uchun  kurashib , yongan insonlar

Poyqadamingiz muborak  bo’lsin

Nur  tomar  chehrangiz  ziyoga to’lsin

1 – boshlovchi : Xush  kelibsizlar  aziz ustozlar va mehmonlar ,

       bugungi 5 – sinf  o’quvchilarining   “ Kim bo’lsam ekan «

  mavzusida  o’tkaziladigan  tadbirga xush  kelibsiz

2 – boshlovchi :

       Ushbu  tadbirimiz  sizga xush  kayfiyat  taqdim  etsa biz juda

        xursand  bo’lardik .

                           Hamma :

Men —  g’unchaman bahor  bo’lgim keladi

Men – shabnamman  , nahor bo’lgim keladi

Men  — zarraman – olam  bo’lgim  keladi

Men —  bolaman , odam bo’lgim  keladi

Yurtlar ko’pdir bir – biridan ziyoda

O’zbekiston go’zal diyor dunyoda

Hur o’lkamda baxtli yashash – tilagim

Istiqlolni qutlar  jajji  yuragim

Men – jilg’aman  , ummon bo’lgim keladi

Men – yog’duman  —  cho’lpon bo’lgim keladi

Men – uchqunman , bo’lgim kelar alanga

Farzand  bo’lib  yaray aziz  Vatanga !

1 – boshlovchi :

     Inson paydo  bo’lgandan buyon  butun umri davomida mehnat evaziga yashab kelmoqda . Hattoki  insonni yashash  uchun hamma  imkoniyatini tabiatdan olishi mumkin  bo’lgan  ibtidoiy  jamoa  davrida  ham odazod  o’z qornini to’ydirish , ehtiyojlarini qondirish uchun  yovvoyi hayvonlarni  ovlash , daraxtlar , qorlar  orasidan  o’ziga zarur  narsalarni  topish  uchun  mehnat qilar  edi .

2 – boshlovchi :

    Ma’lumki  odamlarning  ehtiyojlarini   ta’minlash uchun yer  yuzida  50.000 dan  ortiq  kasb  bo’lib , ana shu  kasblarning  barchasi  odamlarga  xizmat  qiladi . Har bir yosh  avlod  o’ziga shu kasblardan  birini  tanlab olib , ko’pchilik  qatori  insonlar safida turib  mehnat qilishi  shart .

1 – boshlovchi :

Inson o’zining bolalik davridan mehnat  qilishga o’rganib , biror  o’ziga  yoqqan kasbni  egallab  borishi , kelajakda mehnatsevar  inson  bo’lib yetishmoq  uchun  harakat  qilishi  kerak .

2 – boshlovchi :

Odam umrining eng quvnoq , xushchaqchaq  bolalik deb atalgan  oltin davrini behuda  va bemaqsad  o’tkazib  yubormasligi  lozim . Shu sababli  ko’proq  mehnat  foydali  ish  bilan  shug’ullanishga  odatlanmog’I  kerak .

            Donolar  aytibdilar :

Oltin  topmaginu  o’rgangin  hunar

Hunarning  oldida  xasdir oltin —  zar

1 – boshlovchi :

Endi navbat  qizlarimizga , ular ijrosida  “ Do’ppi  tikdim  ”  qo’shig’I va raqsini  tinglab  tomosha  qilamiz .

2 – boshlovchi :

Hunar  o’rganib , ilm – odob egasi bo’lgan odam  jamiyat  orasida o’z  o’rnini topadi . Mehnat qilib  o’z insoniylik burchini  o’taydi .

               Donolar aytibdilar :

 Hunarli  kishilar  gapirmaydilar

Qarab  tur , hunarning  o’zi  gapirar

1 – boshlovchi :“ Usta ”  ertagiga beramiz .  O’quvchilarimiz  ushbu  ertakni  sahna  orqali namoyish etishadi . ERtak yakunida  o’quvchilar  fikr -= mulohazalar tinglanadi .

 2 – boshlovchi :

Baxtli bo’lish  bu , mehnatni  sevish va rohatni mehnatga ko’rishdir . Mehnatni sevish , g’ayrat va matonat  bilan ishlashning  3 ta  shirin  mevasi  bor ; tan salomatligi , ko’ngil  rohati , zehnning  ortishi  .

 1 – boshlovchi :

Kasb – hunar o’rganishdan or qilma  mehnat  qilishni o’rgan . Yurt va elning rivoji  ham hunarga  bog’liq . Eng halol va eng yoqimli  yeyish va kiyish  hunardan  hosil  bo’ladi . Hunar —   yashirin  xazina

2 – boshlovchi :

Kuni kelib dunyo  tasodiflari tufayli  mol – mulkdan  ajralsang  ham , hunardan  hech  qachon  ajralmaysan . Hunar sening doimiy hamrohing madadkoringdir .

    Insonning  hunari uning  boyligi

    Pul  tugaydi  biroq hunar tugamaydi

Navbatni  kasblar haqidagi  she’rlarga  beramiz

1 – boshlovchi :

Kasblar  ko’pdir  duyoda

Bir – biridan  ziyoda

Kasb – hunarni egallab

Ishtiyoqqa  egarlar

Orzuli  bo’lsa yurak

Bajo bo’lar  istak

Agronom

Bo’lsamikka agronom

Juda jarangli bu nom

O’stirar  edim  paxta

Butadamas daraxtda ….

Buyoqchi :

Yo  bo’lsammi  buyoqchi

Uning  ishiga  boqchi

Bo’yalgan zahot  xona

Go’zallashadi  yana …..

Duradgor

Yo  bo’lsammi  duradgor

Bu  ishga  ko’p  hikmat  bor .

Ayting-chi ,  kim birpasda ,

Ketmonga  yasar  dasta

Elchi :

Sen  ham  maslahat  berchi

Yo  bo’lsamikkan  elchi

Samalyot  qo’nar  shu  on bu  manzil  Farangiston

Deyman :  Azizlar  salom

“ Bonju”  hammamiz  omon !….

Fazogir

Yo  bo’lsammi  fazogir

Yerni aylanib gir – gir ,

So’ng esa qo’nsam oyga

Oy bilan qilib poyga …

Geolog

Yo  bo’lsammi geolog

Yursam , kezsam tog’ma-tog’

Ma’danga to’la zamin

Juda uzoq oylab men

Topsam ko’plab  ma’danlar

Hayrob  qolsa  odamlar …

Haydovchi :

Yo  bo’lsammi  haydovchi

Qo’l ko’tarsa  yo’lovchi

Mashinam  g’iz – g’iz etsa

Darrov  manzilga  eltsam

Ixtirochi :

Yo  bo’lsam ixtirochi

Bu ishning ko’p  quvonchi

Bu ishga bo’lgan usta

Ixtiro qilsam  yuzta …

Jurnalist :

Yo bo’lsammi  journalist

Xabar yozsam  juda  tez

Va  electron pochtadan

Yuborsam  uni  birdan …

Kulol

Yo  bo’lsammikan  kulol

Sizni qilib hayron lol

Yasasam  ko’za idish

Juda maroqli  bu ish ….

Lug’atshunos

Yana bir o’ylab ko’rsam

Yo , lug’atshunos bo’lsam

Juda ham ko’plab so’zdan

Turli  lug’atlar  tuzsam ….

Militsioner

Yo militsioner bo’lay

Doim postimda  turay

Sezgir bo’lsam bag’oyat

Bo’lmas biror  jinoyat

Nonvoy

Yo bo’lsammikan  nonvoy

Hamma ko’rib desa  voy

Yaratsam katta tandir

Va yopsam bir uy  patir

Oshpaz

Yo  bo’lsammikna oshpaz

Hamma qilardi  havas

O’ylab topsam  bir  taom

“O’zbekiston ” bersam nom …

Pardozchi :

Eshiting quloq osib

Pardozchi ham zo’r kasb

Pardoz qilsam yuzungiz

Tanimaysiz  o’zingiz …

2 – boshlovchi :

Odamning barakali va  badavlat bo’lishi  uchun kasb – hunardan qimmatliroq  mato yo’q va ulug’lik hamda saodat osmoni  uchun esa qobiliyatdan  yorqinroq yulduz yo’qdir .

Navbatni  yigitlarimiz  ijrosidagi  “ Sartarosh ”   qo’shig’iga  beramiz .

1 – boshlovchi  :

Oltining  xarj bilan oxir  bo’lar kam

Hunar shunday ganjki , kamaymas hech dam

Ularning  farqin  aytsam  agarda

Hunar  chashma  erur , oltin-chi shabnam

                                                             (Xurramiy )

Sahna orqali o’quvchilarimiz tomonidan mehnatsevarlik va dangasalikni  oqibatlari  yoritilgan  hammamiz sevib  o’qiydigan  “ Zumrad  va Qimmat ”  ertagini tomosha  qilamiz .

2 – boshlovchi :

Kasb hunar  egasi  ta’madan  xolidir

U o’z hunarining  fazilati  tufayli  o’z mehnati  bilan  halol topib , halol yeydi .

Navbatni  mehnat , kasb – hunar , ilm egallashga  doir  donolarimizning  hikmatli so’zlari  va hadislarga  beramiz .

Kim mehnatla qadam qo’ydi tog’ – cho’lga

Xazina kalitin  kiritur  qo’lga

                                           ( X. Dehlaviy )

Mashaqqat chekmagan  topmast xazina

         Tun ortidan  kelar  kunduz hamisha

                                                        ( S. Sheroziy )

O’z manglay teridan non yegan kishi

        Hotam minatidan  ozod yoz – qishi

                                                    (S. Sheroziy )

Orzu , tilak yo’li mehnat tagida

    Xazinaning mo’li mehnat tagida

                                      ( Abu Shukur Balxiy  )

Mehnat tagidadir , ey oqil har ganj

          Ganj topmas hech kimsa tortmas  esa ranj

                                                                    ( A. Firdavsiy )

Kosibdan shodu xurram yo’q jahonga

Hunardin yaxshi dur ham yo’q jahonda

                                                   ( N. Xusrav )

Kim mashaqqat chekdi – topdi g’azna ham

Kim tirishqoq  bo’ldi – ko’p  topdi karam

                                                        ( J. Rumiy )

Hech kimga yalinmas hunarli  inson

    Rizqin  o’z bog’idan  topadi bog’bon

                                      ( S. Nasafiy )

Zabt etayin desang sern ilmu hunar

Insof kamolni et o’zingga  rahbar

                     ( A. Bedil )

Kim hunarni desa u dono bo’lur

             Nodonlar qudrat deb boylikni bilur

Hunarsizlardan uzoq – uzoq ket

   Mardlar  kabi sen hunar  talab et

          ( X. Dehlaviy )

Guharni hunarsiz dema hech guhar

guhar narxin orttirgan asli hunar

                    ( A. Balxiy )

Qimmatli guhardan qimmatroq hunar

             Hunar bo’lsa ishda  yaraydi guhar

                         ( A. Balxiy )

Hunar birla aqlni birikkan  hamon

        Har  bu ish jahonda yurishgay  ravon

Firdavsiy

Hunar o’rgan chunki  hunarda ko’p sir

Yopiq  eshiklarni ochar , ochar  birma – bir

                   ( N. Ganjaviy )

Biliming osmonga yetgan bo’lsa ham

Boshqalar  ilmiga quloq  sol har  dam

                      ( A.Sh . Balxiy )

Ilmdan yaxshiroq xazina bo’lmas

             Qo’lingdan kelgancha tera olsang bas

                        ( Rudakiy )

Odamlar aqlining chirog’I bilim

       Balodan  saqlanish yarog’I  bilim

                             ( Ro’dakiy )

Bilim  bilan bo’lur odamda iymon

 Bilimdan devni  bog’lamoq  oson

                       (Firdavsiy )

Bilimsizlik bilan ishga kirishsang

Foydasi bo’lmaydi  qancha tirishsang

                           (Firdavsiy )

Bilimdan shod bo’lur doim dilu – jon

Bilimsiz olamda hayron sargardon

                     ( N. Xusrav )

Ilm barcha hunarning toji bebaho

        Ilm —  hamma qulfning  kaliti  a’lo

                          ( A. Jomiy )

Kasbning eng yaxshisi kishining o’z qo’li bilan bajarilgan ishi va halol savodidir .

                                                                           ( hadis )

Ilm o’rganish har bir musulmon uchun  farzdir . ( hadis )

Beshikdan qabrgacha bilim ista ( Hadis )

           1 – boshlovchi :

Endigi  navbatni  “ Shog’lom ”  ertaagiga beramiz . Tomosha qilib bo’lganingizdan  so’zg  ushbu  ertakda qanday  mavzu  ilgari

Surilganligini  aytasiz .

2 – boshlovchi  :

Shuning  bilan bugungi 5 – sinf o’quvchilari  tomonidan  tayyorlangan  “ Kim bo’lsam ekan ”  mavzusidagi  tadbirimiz yakunlandi , ustozlarimizga shuni va’da beramizki  voyaga yetib  , albatta o’zining  sevgan  kasbning  mohir  ustasi  bo’lib , xalqimizga  vatanimizga  chin  dildan  xizmat qilamiz .

1 – boshlovchi :

Buning  uchun  ustozlarimizning  barcha  o’g’it va pand – nasihatlariga quloq solgan  holda barcha fanlarni a’lo baholarda o’zlashtirib  odobli , kamtarin  , mehnatsevarlik bo’lishga so’z beramiz .

Dasturni  Miraziz A’zamning  “ Qo’lni  qo’lga beraylik ”  she’ri  bilan  hikoyasiga  yetkazamiz .

Bir  bu  ozod diyorning

Eng umidbaxsh  unimiz

Birinchi sentabrda

Mustaqillik  kunimiz

Birinchi sentabrda

Yangi  hayot  boshlandi

Go’zal hayot qurishga

Dadil  qadam tashlandi

Quramiz  buyuk davlat

Qoldirib  izimizni

Xalqlar aro oq bo’lar

Ko’rasiz  yuzumizni

Qo’lni qo’lga beraylik

Vatan bo’lsin  guliston

Hurlar aro  hur bo’lsin

Mangu  buyuk Turkiston