BUDAGOV Lazar Zaxarovich haqida malumot bilib oling.

BUDAGOV Lazar Zaxarovich (1812.12.4, Astraxon 1878.30.12, SanktPeterburg) — turkiyshunos, Qozon un-ti falsafa f-tining sharq tillari boʻlimini tamomlagan (1840). Tiflis gimnaziyasi (1840—44), SanktPeterburg un-ti (1845—70)da ishlagan. Turk va ozarbayjon tillari boʻyicha qoʻllanmalar yaratgan. Ikki jildli «Turkiy tillar qiyosiy lugʻati»ni (1869, 1871) tuzishda sharq tillari, turkiychayevropacha lugʻatlar, Navoiy, Bobur asarlaridan foydalangan. Lugʻat 1960-y. da qayta nashr qilingan.