BOLID haqida malumot bilib oling.

BOLID — Yer atmosferasining quyi qatlamigacha kirib keladigan katta massali yorqin meteor jism. Koʻpincha, meteor jismlar atmosferaga kirganda boʻlinib, bugʻlanib ketadi. Bolid uchganda choʻgʻlangan gaz oqimlari va meteor jismning erigan tomchilari jism ortida «olovli dum» hosil qilib, yorugʻ iz qoldiradi. Bu iz bir necha minut koʻrinib turadi. Bolid yoʻlidagi havoning qattiq siqilishi va siyraklashishi oqibatida baʼzan kuchli gumburlash eshitiladi. Baʼzida havo ochiq kunlari Bolid kunduzi ham koʻrinishi mumkin.