62-an’anaviy Gullar festivali doirasida «Namangan Tech Summit» — xalqaro AyTi forum bo’lib o’tdi

22-23-may kunlari Namangan shahrida 62-an’anaviy Gullar festivali doirasida «Namangan Tech Summit» — xalqaro AyTi forum bo’lib o’tdi.

Uni O’zbekiston Respublikasi raqamli rivojlanish vazirligi, Namangan viloyat hokimligi, Namangan shahar hokimligi, IT-Park, Sitelab kompaniyasi, DataSite Technology kompaniyasi, Thinkland kompaniyasi va boshqa mahalliy kompaniyar tashkil etishdi.

Bu forum 2023-yilda birinchi marta tashkil etildi. Ammo shunga qaramay u juda yuqori sifatda va saviyada bo’lib o’tdi.

Uni ochilish marosimida Oʻzbekiston Respublikasi raqamli texnologiyalar vaziri Sherzod Shermatov, Namangan viloyati hokimi Shavkat Abdurazakov qatnashishdi va ochilish marosimida so’zga chiqib, AyTi sohasiga endi kirib kelayotgan yoshlarga o’zlarini qimmatli maslahatlarini berishdi va forum ishtirokchilariga muvaffaqiyatlar tilashdi.

Forumni birinchi kuni rasmiy bo’lib unda mansabdorlar, mahalliy kompaniya rahbarlari so’zga chiqib, AyTi haqida ko’plab qiziqarli va foydali ma’lumotlar berib o’tishdi.

Forumni ikkinchi kunida yosh dasturchilar uchun turli xil mavzularda seminarlar, tanlovlar tashkil etildi. AyTi sohasiga endigina kirib kelayotgan yoshlar ularda faol qatnashishdi.

Namangan Tech Summut xalqaro AyTi forumi doirasida namanganlik yoshlar uchun(hozircha yagona bo’lgan) dasturchilar hamjamiyati tuzildi. Ushbu havola orqali shu hamjamiyatga a’zo bo’lishingiz mumkin

Endilikda bunday forumlar har yili tashkil etilishi kelishib olindi.