DO`STLARGA ULASHING:

1926-yil 29-sentyabr – Farg’ona viloyati Bag’dod tumani tashkil etilgan (1962-yil 24-dekabrda Uchko’prik tumaniga qo’shib yuborildi. 1964-yil 31-dekabrda qayta tuzildi). Viloyatning Oltiariq, Rishton, Uchko’prik va Buvayda tumanlari bilan chegaradosh. Maydoni 0.33 ming km.kv.

1926-yil 29-sentyabr – Samarqand viloyatidagi Pastdarg’om tumani tashkil etilgan. 1929-38 yillarda Akmal Ikromov tumani deb atalgan. 2001-yilda Pastdarg’om tumaniga Go’zalkent tumani qo’shildi. Shimoldan Oqdaryo va Ishtixon, g’arbdan Kattaqo’rg’on, Nurobod tumanlari, janubdan Qashqadaryo viloyati va sharqdan Samarqand tumani bilan chegaradosh. Maydoni 0,53 ming km.kv.

Termiz tumani – Surxondaryo viloyatidagi tuman. 1926-yil 29-sentyabrda tashkil etilgan. Janubdan va garbdan Afg`oniston, sharqdan Tojikiston , shimoldan viloyatning Angor va Jarqo`rg`on, shimoliy-g`arbdan Muzrabot tumanlari bilan chegaradosh. Maydoni 0,86 ming km.kv. Tumanda 5 qishloq fuqarolar yig`ini  (Pattekesar, Paxtaobod, Uchqizil, Xotinrabot, Yangiariq) bor.  Markazi – Uchqizil qishlog`i. Tabiati Termiz tumani respublikasining eng janubida termiz shahri yaqinida joylashgan. Tuman hududining sharqiy qismi Hisor tog` tizmasining davomi To`yintog` Kaykitog` va uning etaklari, Xotinrabot va Qiziriq cho`llari hamda uning davomi – Qoraqir, Uchqizil, Kattaqum massivi, Eski Termiz adirlari va qirlari bilan band. Bu yerlardan yaylov sifatida foydalaniladi. Janub va G`arbi Surxondaryoning Amudaryoga qo`yilgan qismi va Amudaryo Surxondaryo sohillaridan iborat bo`lib tuprog`i taqir va ho’rxok. Amudaryo, Qorasuv, Sherobod daryolari tuman hududi orqali o`tadi.

1926-yil 29-sentyabr – Andijon viloyatidagi Paxtaobod tumani tashkil qilingan. 1962-yil 24-dekabrda Izboskan tumani bilan birlashtirilgan. 1970-yil 7-dekabrda yana yangidan tashkil qilingan. Shimol va shimoliy-sharqdan Qirg’iziston Respublikasining Jalolobod viloyati, g’arbdan Izboskan, janubdan Andijon, sharqda (58 km masofada) Qirg’iziston Respublikasi va Jalolquduq tumanlari bilan chegaradosh. Maydoni 0,29 ming km.kv.