2018 Yilda O‘zbekistonliklar Eng Ko‘p Mutolaa Qilgan Kitoblar O‘nligi

Men bilan sira qiziqmaydigan hayotda nafas oldim. Men bilan umuman qiziqmaydigan manzillarda go’yo yonimda birov bordek yurdim. U uchun kuylar tanladim. Qo’llarini tutdim. Albatta, baxt haqida gapirishni ham juda istardim. Ammo menga o’xshaganlar, ya’ni dard chekayotganligiga hech kimni ishontira olmaganlar, baxtga olib boradigan yo’lni yoddan chiqarishadi. Chunki meni tik tutgan, oyoqarim ostidagi toshni bilib turib, hayotimdan tortib olishdi. O’zimning ustimga quladim. Shuncha muddat unimni chiqarmaganimdan barcha ovozlar ichimda yig’ildi. Endi men hatto shamolning uvillashiga ham havas qilaman.

To’siqlarga qaramay sevdik

“To‘siqlarga qaramay sevdik” yozuvchining eng talabgor va eng ko‘p adadda chop etilgan kitoblaridan sanaladi. Turk tilidan Nodirabegim Jamshid qizi tarjimasi.

Shukronalik mo’jizalari

Shukronalik- inson ziynati. Bugungi tinchlik-osoyishtalik, erkin va faravon hayotga shukrona keltirish, uning qadriga yetish xayru barakani yanada ziyoda qiladi. Ushbu kitob sizga ayni yaratganning bergan ne’matlariga shukrona keltirishni o‘rgatadi. Shukrona keltirib, qalblari nurga to‘lgan ayollarning hikoyalarini eshitib, ko‘zingizdan yosh chiqadi, ich-ichdan to‘lqinlanasiz, tilingizdan shukronalik tushmay qoladi. Eng muhimi, sizga tanish bo‘lgan psixolog, “Azizam” psixologik klubi rahbari Azizaxon Tashxodjayeva bilan qalban yaqinlikni his etasiz, uni xuddi oldingizda turgandek his etasiz. Kitob sizni shukronalikka o‘rgatar ekan, qalbingiz quvonchga, hayotingiz faravonlikka yuz tutadi.

Mamlakatlar tanazzuli sabablari: qudrat, farovonlik va kambag’allik manbalari

Nega ayrim mamlakatlar farovonroq yashaydi? “Mamlakatlar tanazzuli sabablari” mualliflari ushbu savolga ishonchli va izchil asoslangan yangi nazariya bilan javob berishga bel bog‘lagan: farovonlik sababi iqlim, geografiya yoki madaniyat emas, balki mamlakatdagi institutlardir.

Zukkolar va landavurlar. Muvaffaqiyat kaliti

Bu foniy dunyo hayotini adolatli deb bo‘lmaydi. Negaki, unda pul, hokimiyat, shon-shuhrat va omad odamlarning barchasiga teng taqsimlangan emas. Nega ayrim odamlarning hamma narsasi bor, boshqalarda esa hech vaqo yo‘q? Omadning sabablarini faqat insonning tabiat in’om etgan shaxsiy fazilatlari bilan bog‘lash to‘g‘rimikin?

Pythonda dasturlash asoslari

Dasturlash asoslariga oid o‘zbek tilidagi ilk eng mukammal qo‘llanma hisoblanadi. Kitobning har bir bo‘limi uchun maxsus video darslar yozilgan bo‘lib, ularga kitobda ko‘rsatilgan QR kod orqali o‘tish mumkin. Darslar bo‘yicha amaliy mashg‘ulotlar va ularning javoblari Github platformasiga yuklangan. Qo‘llanma Python dasturlash tili asosida yozilganligiga qaramay, dasturlashga ilk qadam qo‘yayotgan barcha ixlosmandlarga tavsiya etiladi. Kitob nafaqat talabalar, o‘quv markazlari tinglovchilari, maktab o‘quvchilari balki mustaqil ravishda dasturlashni o‘rganuvchilar uchun ham mo‘ljallangan.

Muvaffaqiyatli insonlarning 7 ko’nikmasi

“Muvaffaqiyatli insonlar muammolar bilan emas, balki imkoniyatlar bilan yashaydilar. Ular imkoniyatlardan oziqlanib, muammolarni ochlikda qoldiradilar.“ «Muvaffaqiyatli insonlarning yetti ko‘nikmasi» kitobi mashhur amerikalik biznes konsultant Stiven Kovi tomonidan yozilgan.

Kelmasang ham kutaman

Yozuvchining mazkur asari o‘ziga xos jozibasi, ifoda uslubi, insonning eng nozik va nafis tuyg‘ularini taʼsirchan bayon etganligi bilan ajralib turadi. – Aytingchi, siz ham hech qachon kelmaydigan bir insonni intiq kutganmisiz? Bir kun kelib ketishi mumkinligi hatto tushingizga ham kirmagan insonning ortidan qo‘l silkitib qolganmisiz? Men kelmaganni kutaman, uzoqdagi insonni sog‘inaman va azoblanganim sari yana-da ko‘proq sevaman. Men ham ketmoqchi bo‘lganlarni to‘xtatib qolishga urindim. Yo‘lini to‘sib «Meni tashlab qayerga ketmoqchisan?» deb siquvga oldim. Biroq bundan hech narsa o‘zgarmadi. Ketishga qaror qilganni to‘xtatib bo‘lmas ekan. Ehtimol, vaqtincha to‘xtatishing mumkindir, ammo baribir qo‘lingdan chiqib ketadi. Alal oqibat men ham bu haqiqatga o‘zimni moslashtirdim, o‘sha kundan boshlab tark etganlarni va sira qaytib kelmaydiganlarni kutishni boshladim. Kelmasligini bilib turib kutdim. Kutish bu – o‘z joningga suiqasd qilishdek bir xatodir. Va men bu xatoni anglaganimdan beri kutishga yana-da mahkamroq bel bog‘ladim. Berkutay Soysal

2018 yilda o‘zbekistonliklar eng ko‘p mutolaa qilgan kitoblar o‘nligi

Har bir yil o‘z yakuniga yetar ekan mutaxassislar, OAV xodimlari uni turli yo‘nalishlarda tahlil qilishadi.

Kun.uz internet sayti ham 2018 yilda yurtdoshlarimiz tomonidan eng ko‘p mutolaa qilingan va ularning nazdida yilning «eng yaxshi kitobi»ni aniqlash maqsadida «2018 yil: Kim nima o‘qidi?» mavzusida so‘rovnoma o‘tkazdi.

So‘rovnomani nafaqat internet sayt va ijtimoiy tarmoqlar, balki ta’lim muassasalarida, ko‘cha va xiyobonlarda ham tashkil etdik.

So‘rovnomada ishtirok etganlar tomonidan jami 1200 dan ortiq nomdagi va turli janrdagi asarlar qayd etildi.

Xullas, biz ovoz berish natijalariga ko‘ra «yilning eng yaxshi kitobi» deya hisoblangan adabiyotlarning top 10 ligini aniqladik. Marhamat ular bilan tanishing!

10-o‘rin. «Yulduzli tunlar»

Mahoratli yozuvchi Pirimqul Qodirovning ushbu asari reytingimizda eng ko‘p ovoz yig‘gan asarlardan biri bo‘ldi. U hamon sevib o‘qilmoqda.

Roman o‘zbek adabiyotining eng sara tarixiy asarlari sirasiga kiradi. Unda Movarounnahrdek ulkan saltanatning parchalanib ketishi, temuriylar sulolasining inqirozi, hokimiyatga erishish ilinjida taxt talashib, bir-birlariga qilich ko‘targan og‘a-ini, tog‘a-jiyanlarning fojiaviy qismati aks ettirilgan.

9-o‘rin. «Shamol ortidan yugurib»

Mazkur asar muallifi Holid Husayniy 1965 yil Kobulda afg‘on diplomati oilasida tug‘ilgan. 1980 yil yozuvchi oilasi bilan AQShga ko‘chib boradi. «Shamol ortidan yugurib» uning ilk romani hisoblanadi. Asar AQShda yangi asrning besseller asariga aylanadi. Mazkur asar dunyoning qirqdan ortiq tillarida 10 million nusxada nashr qilingan.

8-o‘rin. «Telba»

Rus adibi Fyodr Dostoyevskiy qalamiga mansub «Telba» romanini turli millatga mansub minglab, millionlab kitobxonlar sevib mutolaa qiladilar.

Romanning yozilganiga yuz ellik yilga yaqin vaqt o‘tgan bo‘lsa-da, undagi qalbni poklashga bo‘lgan da’vat, tuyg‘ularni e’zozlash, har qanday sharoitda ham o‘zligini yo‘qotmasdan yashash kerakligi haqidagi ta’kidlar, fikrlar kitobni mutolaa qilgan har bir o‘quvchi uchun yangilik bo‘lib qolaveradi.

7-o‘rin. «Afg‘on shamoli»

Isoqjon Nishonov muallifligidagi ushbu asar kitobxonlarimiz tomonidan berilgan ovozlar soniga ko‘ra reytingimizning 7-o‘rnini egalladi.

Asarda jangarilar safida yurib O‘zbekistonda o‘z hokimiyatini o‘rnatish maqsadida bo‘lgan razil kimsalarning topshiriqlarini itoatkorlik bilan bajarib kelgan Fafur ismli yigitning atrofda kechgan voqeliklardan qilgan xulosasi tufayli yuragida yorug‘lik paydo bo‘lishi va vatan xizmatiga kirishi bayon qilingan.

6-o‘rin. «Alkimyogar»

Insonning Yerdagi umri mobaynida amalga oshiradigan ishlari nimalardan iborat? O‘z Taqdiri yo‘lidan borib, ko‘ngliga tuggan orzu-umidlarini amalga oshirishi uchun insonga eng zarur narsa nima. «Alkimyogar» romani mana shunday ko‘lamli, mazmunan falsafiy, mohiyatan esa oddiy insoniy muammo haqida. Asar muallifi — hozirgi zamonning mashhur yozuvchisi braziliyalik Paulo Koelo.

5-o‘rin. «Shaytanat»

Qahramonlarning shaxsiyati va ularning turmush tarzi, xarakter xususiyati, ijtimoiy turmush tarzi bilan bog‘liq keskin va shu bilan bir qatorda kitobxonlar uchun qiziqarli bo‘lgan voqeliklar rivoji o‘tkir syujyetli «Shaytanat» asarining asosini tashkil etadi. Asar muallifi taniqli o‘zbek yozuvchisi Tohir Malik.

4-o‘rin. «Baxtiyor oila»

Shayx Muhammad Sodiq Muhammad Yusuf rahimahullohning «Baxtiyor oila» nomli kitobi bugun o‘zbek kitobxonlari orasida eng ko‘p o‘qilayotgan asarlardan biri hisoblanadi. Kitob yillar davomida ko‘p ming nusxada bir necha bora qayta nashr etilayotganiga qaramay, bugun ushbu asarni kitob do‘konlaridan topolmaysiz.

Kitob mutolaasi orqali haqiqiy baxtiyor oila qanday bo‘lishi kerak degan savolga javob topasiz.

3-o‘rin. «Saodat asri qissalari»

– Ahmad Lutfi Qozonchining «Saodat asri qissalari» kitobining bu darajada ommalashgani, o‘quvchilar tomonidan juda ko‘p mutolaa qilinayotganligini eshitib shaxsan men hayratlanmadim. Sababi, Payg‘ambarimiz hayotlarini o‘rganish insonga faqat ma’rifat beradi, qalbni yuksaltiradi.

Aslida, bizda siyrat haqida asarlar juda oz. Mashhur turk yozuvchisi, olimi Ahmad Lutfi Qozonchining ushbu asari ham Payg‘ambarimiz siyrati, hayoti haqidagi eng ishonchli manbaalar asosida yozilgan asar hisoblanadi.

Kitobning o‘tkazilgan so‘rovnomada eng yuqori o‘rinlardan birini egallagani yurtdoshlarimiz ichida dinni o‘rganishga, Payg‘ambar alayhisalomning siyratini, u kishi olib kelgan ulug‘ ta’limotni o‘rganishga bo‘lgan ehtiyoj yuqori ekanligini ko‘rsatadi. Zero, biz Payg‘ambar alayhisalomni yaxshi tanimasak, dinimizni yaxshi tanimaymiz, dinimizni yaxshi tanimasak o‘zligimizni yaxshi tanimaymiz, agar o‘zligimizni yaxshi tanimasak komil inson bo‘lolmaymiz, – dedi shoir Alisher Nazar.

Alisher Nazar, shoir.

2-o‘rin. «Ufq»

Yozuvchi Isajon Sulton asar haqida fikr bildirar ekan, shunday deydi:
– Said Ahmadning «Ufq» romani o‘zbek xalqining urush yillaridagi hayoti, vatan, millat, jamiyat, oila haqidagi o‘ylari xalqning to‘g‘ridan-to‘g‘ri o‘zidan olib ko‘rsatib berilgani bilan qadrli hisoblanadi. Asarni mutolaa qilganlar yaxshi biladiki, uning voqealari Ikkinchi jahon urushi va undan keyingi davrlarda kechadi. Xo‘sh, o‘sha paytda o‘zbek xalqi urushni qanday qabul qildi? Bir tomondan Sovetlar ittifoqi urush bizning g‘alabamiz bilan tugadi, deb jar soldi, bir tomondan esa o‘zbek xalqi urushni to‘g‘ridan-to‘g‘ri meni oilam, tuproqlarim va vatanimga bo‘lgan xavf deb tushundi. Ya’ni o‘zini butun boshli imperiya a’zosi sifatida ko‘rmadi. Asarda XX asr 40-50 yillaridagi ana shunday voqealar, o‘zbek kishilarning qalb, ruhiy qiyofasi ko‘rsatib beriladi.

Isajon Sulton, yozuvchi

1-o‘rin. «Ikki eshik orasi»

«Ikki eshik orasi» ulug‘ o‘zbek adibi O‘tkir Hoshimovning ikkinchi asari, – deydi yozuvchi Qo‘chqor Norqobil. – Xo‘sh, asar nima sababdan yillar o‘tsa-da kitobxonlar tomonidan sevib mutolaa qilinadi? Buning sababi, O‘tkir Hoshimov «Ikki eshik orasi»ni insoniylik, yozuvchilik prinsiplariga sodiq qolgan holda yozib, unda xalqning milliy mentaliteti, o‘zbek xalqini bu dunyoda ushlab turgan odamiylik tuyg‘usini juda chiroyli talqinda ko‘rsatib bera olgani deb o‘ylayman.
Ushbu romanni o‘qigan kitobxon insonni ulug‘lashni, birovni bekorga haqoratlash mumkin emasligi va eng muhimi, bu foniy dunyoda umrimiz bir eshikdan kirib, ikkinchi eshikdan chiqqunchalik ekanligini hamda besh kunlik dunyoning mohiyatini o‘rganasiz».

Qo‘chqor Norqobil, yozuvchi

Saytimizning qadrli o‘quvchilari, mutolaaga bo‘lgan e’tiboringiz uchun rahmat. Ushbu yilda ham kitob sizning eng yaqin do‘stingiz bo‘lib qolsin!

Ilyos Safarov,
Kun.uz muxbiri

Guardian: XXI асрнинг энг яхши 100 та китоби

2019 йилнинг охирида — XXI асрнинг иккинчи ўн йиллиги тугаш арафасида Буюк Британиянинг The Guardian кундалик газетаси янги юз йилликнинг 100 та энг яхши китобини эълон қилди. Рейтингга 2000 йилдан кейин чоп этилган турли жанрлардаги асосан инглиз тилидаги адабиётлар киритилган бўлса-да, улар орасида таржима асарлар ҳам талайгина.

Рейтингнинг топ-3 талигидан белорус адибаси, Нобель мукофоти совриндори Светлана Алексиевичнинг «Утопия овози» бадиий-ҳужжатли сериясидаги «Секонд ҳэнд вақти» китоби ҳам ўрин олган. Асарда ГУЛАГ лагерларида яшаган инсонларнинг тақдири ва СССРнинг қулаши ҳикоя қилинади. Рейтингда Боб Дилан, Кадзуо Исигуро, Олга Токарчук, Элис Манро каби Нобель мукофоти совриндорларининг асарлари ҳам ўрин олган.

XXI асрнинг энг яхши китоблари

1. «Бўрилар зали», Ҳилари Мантел (Wolf Hall by Hilary Mantel, 2009)
2. «Гилеад», Мерилинн Робинсон (Gilead by Marilynne Robinson, 2004)
3. «Секонд ҳэнд вақти», Светлана Алексиевич (Secondhand Time by Svetlana Alexievich, 2013)
4. «Мени қўйиб юборма», Кадзуо Исигуро (Never Let Me Go by Kazuo Ishiguro, 2005)
5. «Аустерлиц», Винфрид Георг Макс Зебальд (Austerlitz by WG Sebald, 2001)
6. «Қаҳрабо телескопи», Филип Пулман (The Amber Spyglass by Philip Pullman, 2000)
7. «Мен ва дунё аро», Та-Неҳизи Коатес (Between the World and Me by Ta-Nehisi Coates, 2015)
8. «Куз», Али Смит (Autumn by Ali Smith, 2016)
9. «Булутли атлас», Дэвид Митчелл (Cloud Atlas David Mitchell, 2004)
10. «Сариқ Қуёшнинг ярми», Чимаманда Нгози Адичи (Half of a Yellow Sun by Chimamanda Ngozi Adichie, 2006)
11. «Менинг ажойиб дўстим», Елена Ферранте (My Brilliant Friend by Elena Ferrante, 2011)
12. «Америкага қарши фитна», Филип Рот (The Plot Against America by Philip Roth, 2004)
13. «Nickel ва Dimed», Барбара Эренрейх (Nickel and Dimed by Barbara Ehrenreich, 2001)
14. «Нозик бармоқчалар», Сара Уотерс (Fingersmith by Sarah Waters, 2002)
15. «Олтинчи инқироз», Элизабет Колберт (The Sixth Extinction by Elizabeth Kolbert, 2014)
16. «Тузатишлар», Жонатан Франзен (The Corrections by Jonathan Franzen, 2001)
17. «Йўл», Кормак Маккарти (The Road by Cormac McCarthy, 2006)
18. «Шок доктринаси», Наоми Клейн (The Shock Doctrine by Naomi Klein, 2007)
19. «Тунда итнинг сирли ҳалокати», Марк Ҳеддон (The Curious Incident of the Dog in the Night‑Time by Mark Haddon, 2003)
20. «Ҳаётдан кейинги ҳаёт», Кейт Аткинсон (Life After Life by Kate Atkinson, 2013)
21. «Sapiens: инсониятнинг қисқа тарихи», Ювал Нуҳ Ҳарари (Sapiens by Yuval Noah Harari, 2011)
22. «Ўнинчи декабр», Жорж Сондерс (Tenth of December by George Saunders, 2013)
23. «Тушки демон», Эндрю Соломон (The Noonday Demon by Andrew Solomon, 2001)
24. «Охирги бўлиб вақт кулади», Женнифер Иган (A Visit from The Goon Squad by Jennifer Egan, 2011)
25. «Нормал одамлар», Салли Руни (Normal People by Sally Rooney, 2018)
26. «XXI асрдаги Капитал», Томас Пикетти (Capital in the Twenty First Century by Thomas Piketty, 2013)
27. «Нафрат, дўстлик, учрашув, севги, никоҳ», Элис Манро (Hateship, Friendship, Courtship, Loveship, Marriage by Alice Munro, 2001)
28. «Завқ», Кэрол Энн Даффи (Rapture by Carol Ann Duffy, 2005)
29. «Оиладаги ўлим», Карл Уве Кнаусгор (A Death in the Family by Karl Ove Knausgaard, 2009)
30. «Ерости темирйўли», Колсон Уайтҳед (The Underground Railroad by Colson Whitehead, 2016)
31. «Аргонавтлар», Мэгги Нелсон (The Argonauts by Maggie Nelson, 2015)
32. «Барча касалликлар қироли», Сиддҳарта Мукержи (The Emperor of All Maladies by Siddhartha Mukherjee, 2010)
33. «Қувноқ уй», Элисон Бекдел (Fun Home by Alison Bechdel, 2006)
34. «Аутлайн», Рейчел Жаск (Outline by Rachel Cusk, 2014)
35. «Қаҳрабо кўзли қуён», Эдмунд де Ваал (The Hare with Amber Eyes by Edmund de Waal, 2010)
36. «Тажриба», Мартин Эмис (Experience by Martin Amis, 2000)
37. «Яшил йўл», Энн Энрайт (The Green Road by Anne Enright, 2015)
38. «Гўзаллик чизиғи», Алан Холлигхёрст (The Line of Beauty by Alan Hollinghurst, 2004)
39. «Оқ тишлар», Зеди Смит (White Teeth by Zadie Smith, 2000)
40. «Сеҳрли тафаккур йили», Жоан Дидион (The Year of Magical Thinking by Joan Didion, 2005)
41. «Покланиш», Иэн Макэван (Atonement by Ian McEwan, 2001)
42. «Moneyball. Математика дунёдаги энг машҳур спорт лигасини қандай ўзгартирди», Майкл Люис (Moneyball by Michael Lewis, 2010)
43. «Ватандош: Америка лирикаси», Клаудия Рэнкин (Citizen: An American Lyric by Claudia Rankine, 2014)
44. «Зулматдаги умид», Ребекка Солнит (Hope in the Dark by Rebecca Solnit, 2004)
45. «Ҳаёт даражалари», Жулиан Барнс (Levels of Life by Julian Barnes, 2013)
46. «Инсоният занжири», Симус Ҳиний (Human Chain by Seamus Heaney, 2010)
47. «Персопол», Маржона Сатрапий (Persepolis by Marjane Satrapi, 2000-2003)
48. «Тунги қоровул», Терри Пратчетт (Night Watch by Terry Pratchett, 2002)
49. «Оддий инсон бўл — бахт нега керак?», Женет Уинтерсон (Why Be Happy When You Could Be Normal? by Jeanette Winterson, 2011)
50. «Орикс ва Тартар», Маргарет Этвуд (Oryx and Crake by Margaret Atwood, 2003)
51. «Бруклин», Колм Тойбин (Brooklyn by Colm Tóibín, 2009)
52. «Кичкина орол», Андреа Леви (Small Island by Andrea Levy, 2004)
53. «Келли тўдасининг ҳақиқий тарихи», Питер Кэри (True History of the Kelly Gang by Peter Carey, 2000)
54. «Аёл ва қудрат», Мэри Бэрд (Women & Power by Mary Beard, 2017)
55. «Юҳонинг дилеммаси», Майкл Поллан (The Omnivore’s Dilemma by Michael Pollan, 2006)
56. «Ер остида», Роберт Макфарлейн (Underland by Robert Macfarlane, 2019)
57. «Кавалер ва Клейнинг саргузаштлари», Майкл Чабон (The Amazing Adventures of Kavalier and Clay by Michael Chabon, 2000)
58. «Урушдан сўнг», Тони Жадт (Postwar by Tony Judt, 2005)
59. «Эрнинг гўзаллиги», Энн Карсон (The Beauty of the Husband by Anne Carson, 2002)
60. «Найза», Элис Освалд (Dart by Alice Oswald, 2002)
61. «Ҳасрат уйи», Ҳелен Гарнер (This House of Grief by Helen Garner, 2014)
62. «Она сути», Эдвард Сент-Обин (Mother’s Milk by Edward St Aubyn, 2006)
63. «Ҳенриетта Лакснинг ўлмас ҳаёти», Ребекка Склут (The Immortal Life of Henrietta Lacks by Rebecca Skloot, 2010)
64. «Китоб қандай ёзилади?», Стивен Кинг (On Writing by Stephen King, 2000)
65. «Йўқолган қиз», Гиллиан Флин (Gone Girl by Gillian Flynn, 2012)
66. «Физикадан етти дарс», Карло Ровелли (Seven Brief Lessons on Physics by Carlo Rovelli, 2014)
67. «Қизлар сукути», Пэт Баркер (The Silence of the Girls by Pat Barker, 2018)
68. «Содиқ боғбон», Жон ле Карре (The Constant Gardener by John le Carré, 2001)
69. «Ўткинчи завқлар», Хавиер Мариас (The Infatuations by Javier Marías, 2011)
70. «Серғалва кундалик», Зое Ҳеллер (Notes on a Scandal by Zoë Heller, 2003)
71. «Жимми Корриган: Дунёдаги энг ақлли бола», Крис Уэйр (Jimmy Corrigan: The Smartest Kid on Earth by Chris Ware, 2000)
72. «Таъқибдаги капитализм асри», шошана Зубофф (The Age of Surveillance Capitalism by Shoshana Zuboff, 2019)
73. «Ҳеч нарсага ҳасад қилмай», Барбара Демик (Nothing to Envy by Barbara Demick, 2009)
74. «Туганмас кунлар», Себастьян Барри (Days Without End by Sebastian Barry, 2016)
75. «Ўликлар суяклари устидан шудгор», Олга Токарчук (Drive Your Plow Over the Bones of the Dead by Olga Tokarczuk, 2009)
76. «Секин ўйла, тез қарор қил», Даниэл Канеман (Thinking, Fast and Slow by Daniel Kahneman, 2011)
77. «Охирзамон аломатлари», Юрий Ҳеррера (Signs Preceding the End of the World by Yuri Herrera, 2009)
78. «Бешинчи фасл», Нора Кейта Жемисин (The Fifth Season by NK Jemisin, 2015)
79. «Руҳ даражаси», Ричард Уилкинсон ва Кейт Пикетт (The Spirit Level by Richard Wilkinson and Kate Pickett, 2009)
80. «Ҳаётинг ҳикоялари», Тэд Чан (Stories of Your Life and Others by Ted Chiang, 2002)
81. «Ҳосил», Жим Крейс (Harvest by Jim Crace, 2013)
82. «Коралина», Нил Гейман (Coraline by Neil Gaiman, 2002)
83. «Бу қандай тугашини айт», Валерия Луизелли (Tell Me How It Ends by Valeria Luiselli, 2016)
84. «Умр нархи», Дебора Леви (The Cost of Living by Deborah Levy, 2018)
85. «Худо иллюзияси», Ричард Докинз (The God Delusion by Richard Dawkins, 2006)
86. «Уйдаги катталар», Янис Варуфакис (Adults in the Room by Yanis Varoufakis, 2017)
87. «Руҳоний», Патрисия Локвуд (Priestdaddy by Patricia Lockwood, 2017)
88. «Икс-нол», Малори Блэкман (Noughts & Crosses by Malorie Blackman, 2001)
89. «Телба қон», Лорна Сейж (Bad Blood by Lorna Sage, 2000)
90. «Ташриф», Женни Эрпенбек (Visitation by Jenny Erpenbeck, 2008)
91. «Ёруғлик», Жон Ҳаррисон (Light by M John Harrison, 2002)
92. «Қамал», Ҳелен Данмор (The Siege by Helen Dunmore, 2001)
93. «Қора одамлар», Никола Баркер (Darkmans by Nicola Barker, 2007)
94. «Кескин бурилиш», Малколм Гладвел (The Tipping Point by Malcolm Gladwell, 2000)
95. «Йилномалар: 1-жилд», Боб Дилан (Chronicles: Volume One by Bob Dylan, 2004)
96. «Кичик ҳаёт», Ҳаня Янагиҳара (A Little Life by Hanya Yanagihara, 2015)
97. «Ҳарри Поттер ва Олов кубоги», Жоанна Роулинг (Harry Potter and the Goblet of Fire by JK Rowling, 2000)
98. «Аждаҳо татуировкали қиз», Стиг Ларссон (The Girl With the Dragon Tattoo by Stieg Larsson, 2005)
99. «Синган финжон», Ален Мабанку (Broken Glass by Alain Mabanckou, 2005)
100. «Бўйнимдан нафратланаман», Нора Эфрон (I Feel Bad About My Neck by Nora Ephron, 2006)

Qiziqarli malumotlar
2018 yilda o‘zbekistonliklar eng ko‘p mutolaa qilgan kitoblar o‘nligi