DO`STLARGA ULASHING:

12-iyun Finlandiyada Xelsinki kuni

  12-iyunda Finlyandiyada Xelsinki poytaxtining tashkil topgan kunini bayram qilishadi. Bu kun shahar yoshu-qarilar bilan gavjum bo’ladi. Bayramga yig’ilganlar chiroyli bezatilgan shaharni tamosha qilishadi, musiqalar eshitishadi, ko’pgina qiziqarli narsalardan bahramand bo’ladilar. Ayniqsa shahar markazida juda ko’p odamlar yig’ilishadi. Musiqa sadolari ostida qiziqarli o’yinlar tashkil etiladi, turli xil sahna ko’rinishlari namoyish etiladi. Bayramni shahar meri munisipalitet binosining maydonida ochib beradi. Shundan so’ng bayram tadbirlari boshlanib ketadi. Xelsinki aholisi va mehmonlari uchun shahar tarixi bilan tanishtiruvchi ekskursiyalar o’tkaziladi. Shu kun muzeylarning eshiklari keluvchilarga bepul ochiq bo’ladi. Bayram kuni bolali oilalarga dam olish oromgohlari bepul xizmat qiladi. Xelsinki shahri 1550-yilda tashkil topgan. Birinchi marta shaharni tashkil topgan kunini 12-iyun 1959-yilda nishonlangan.