1 sentyabirga bogchada bayramı haqida to’liq ma’lumot oling
“Buyuk va muqaddassan mustaqil Vatan”- tadbir ssenariysi
1-Boshlovchi:
Assalom O’zbegim ozod Turonim
Mustaqil diyorim O’zbekistonim
Kelajagi buyuk ulug’ diyorsan
O’zing xon saidu, o’zingga beksan
Istiqloling muborak senga Vatanim
O’z erking muborak, buyuk Turonim
Assalomu alaykum hurmatli mehmonlar aziz bolajonlar! Bugun Mustaqilligimizning 20 yillik bayramini nishonlash uchun yig’ilganmiz. Bu bayramni tinch – totuv yashayotgan xalqimiz zo’r xursandchilik bilan kutib olayapti. Sizlarni MTM jamoasi va tarbiyalanuvchilari gullab yashnayotgan O’zbekistoning mustaqillik bayrami bilan muborakbod etamiz.
2-Boshlovchi: Tabrik uchun so’z 552 – MTM mudirasi G. A. Kasimovaga
Raqs: “O’zbekiston”
She’r:
Bugun bayram tantana
Jaranglar sho’x sadolar
Istiqlol yulduzlari
Biz ijodkor bolalr
Yasha Vatan, hur Vatan
Dunyoga mashhur Vatan
Istiqlolga erishding
Davru – davron sur Vatan
Daryolar, dengizlar, tog’larga makon
Bog’lari, chamani oltinlarga kon
Bir go’zal diyor bor cho’llari bo’ston
Sharqimning mash’ali sen O’zbekiston
Qo’shiq: “Vatanim”
Chaman chaman gullarga
Sayroqi bulbullarga
Toshqin daryo soylarga
Joydir go’zal Vatanim
Ko’kni quchgan uylarga
Baxt keltirgan to’ylarga
Quvnoq va sho’x kuylarga
Boydir go’zal Vatanim
Porlar g’olib bayrog’ing
Kundek yorug’ chirog’ing
Boylikka kon har yog’ing
Boy bo’l go’zal Vatanim
1-Boshlovchi:
Mustaqil O’zbekiston
Baxtiyorlar o’lkasi
Raqqosalar raqsi bu
Andijonning polkasi
Raqs: “Andijon polkasi”
She’r:
Mustaqillik degani
Bilib qo’y ne degani
Eng avval mustaqillik
Bo’lmoq puhta ahillik
Xalqlarimiz ahil bo’lsa
Mustahkamdir yurtimiz
Bolalar ham ahil bo’lsa
Budir bizning burchimiz
2-Boshlovchi:
Bugun o’zbek xalqining asrlar osha orzusi bo’lib kelgan Mustaqillik kuni. Mana 20 yildirki hur ozod erkin diyorda yashash zavqini surmoqdamiz. Ushbu ulug’ ayyom bilan tabriklash uchun buyuk siymolar ham tashrif buyurishgan.
Amir Temur:
Bolalarim men har mamlakatda adolat eshigini ochdim, har mamlakatning yahshi kishilariga yahshilik qildim. Nafsi yomon, ahloqsiz odamlarni mamlakatdan quvib chiqardim. “O’g’illarim millatning ulug’ martabasini, saodatini saqlamog’ uchun adolat va ozodlik dasturingiz bo’lsin”
Alpomish va Barchinoy
Barchinoy:
O’zbek elining o’g’loni
Alpomish avlodlari
Tazim aylay sizlarga
Bahodirlar sultoni
Alpomish:
O’zbek qizi Barchinoy
Go’zalligi hilol oy
Birga qo’shiq kuylaylik
Yurtim ohanglarga boy
1-Boshlovchi: Marhamat mehmonlar bu erga o’tiringlar
Raqs: “Lashkar”
2-Boshlovchi: Bolajonlar (bolalar sahnaga yugurib chiqadilar)
1-Boshlovchi: Bu bayram ajoyibotlarga boy sexrlidir
Bolalar: Uning sexri nimada?
1-Boshlovchi: Bu bayramda ijodini namoyon etgan har bir bolajon o’z orzusiga etar ekan. Bolajonlar sizning ham orzuingiz bormi?
Bolalar: Albatta
1-Bola:
Menchi men katta bo’lsam
Mohir chevar bo’laman
O’zbegimni do’ppisini
Qoyil qilib tikaman
2- Bola:
Sport bilan do’stlashib
Kuch – quvvatga to’laman
Kelajakda men
Jahon chempioni bo’laman
3- Bola:
Raqs mening jonu dilim
O’ynab katta bo’laman
Mukararrama, Tamarahon
Avlodlari bo’laman
4- Bola:
Men esa jasur, ziyrak
Engilmas chegarachi
Raqs: “Lazgi”
1-Boshlovchi: Bog’chamiz tarbiyalanuvchilari har xil sport turlari bilan shug’ullanib kelmoqdalar. Ular yurtimizning bo’lajak jahon chempionlari. Bugun bizni bayram bilan tabriklash uchun o’z chiqishlarini namoyish etadilar, marhamat kutib oling.
Raqs: “Shodiyona”
Sahna: Birdan paq etgan tovush eshitilib maydon burchagidagi bo’y barobar humdan jin chiqib keladi.
2-Boshlovchi: Voy nima bo’ldi. Bu kim bo’ldi bolalar taniyapsizlarmi?
Bolalar: Bu jin? – Assalomu alaykum jin amaki
Jin: Meni ko’p yillardan beri shu humga solib qo’yishgan edi. Bayramingizda millatingizni ozodligini kuylab she’r, qo’shiq aytib turganingizda qaerdandir menga sehrli kuch keldiyu, shu humdan qutilib chiqdim. Xursandchilik qilishingiz menga shunday ta’sir qildiki, men ham ozod, mustaqil yashagim keldi. Endi men odamlarga ko’za, lagan, o’yinchoqlar yasab ularni xursand qilmoqchiman.
1-Boshlovchi: Barakalla jin! Seni ozod bo’lganing bilan tabriklaymiz. Sen uchun bolalarimiz qo’shiq raqslarini ijro etishadi.
Raqs: “Gruzincha”
She’r:
Bola:
Bugun bizlar barkamol avlod
Shu Vatanning suyanch ardog’i
Azim chinor bo’lsa gar Vatan
Bizlar uning ko’rki yaprog’i
Bola:
Biz hech kimdan kam bo’lmaymiz
Kam bo’lmaymiz illo hech qachon
Biz bir tanmiz sobiq qadammiz
Ortimizda Vatan jonajon
Bola:
Biz barkamol o’ktam avlodmiz
Kelajagi buyuk davlatmiz
2-Boshlovchi: Bugun yurtimizni 20 – yillik bayramiga bog’chamizda turli millatlar xalq taomlari ko’rik tanlovi bo’lmoqda.Bunda xalqaro milliy xalq taomlari ko’rigi o’tkaziladi. Ko’rik sharti rus, tatat, qozoq, uyg’ur va o’zbek xalqlari taomlari, milliy kiyimlari va chiqishlarini namoyon etadilar.
Sahna:
Fonagramma: chaqaloq yig’isi eshitiladi. Xasan va Zuhra chaqaloqlar sahnaga olib chiqadilar.
1-Boshlovchi: 1991 yil, 1- sentyabr kuni mahallamizda egiz chaqaloqlar dunyoga keldi. Oylar, yilllar o’tib chaqaloqlarimiz 2 yoshga to’lishdi va “Oqibat” mahallamizdagi 552-MTMga yo’l olishdi. Ularni MTMning ilk yosh guruhiga qabul qilishdi. (Bolalar bog’chada o’ynashayotganini tushirilgan rasm baneri ko’rsatiladi) Bog’chada ta’lim – tarbiya olib, aqlni charxlab, yirik va mayda motorikalarini rivojlantirib sog’lom avlod maktab tomon yo’l olishdi.
2-Boshlovchi: maktabda ilm – fanni puhta egallab kollej va oily o’quv yurtlariga yo’l olishadi. (Bolalar maktabda o’qiyotganini tushirilgan rasm baneri ko’rsatiladi)
1-Boshlovchi: Mustaqilligimiz sharofati bilan bizning Xasan chet elda ya’ni Londonda o’qish huququga ega bo’ldi. Zuhrahon esa Toshkent Davlat Iqtisodiyot Universiteti talabasi bo’ldi
(Bolalar chet elda, oliy o’quv yurtlarida tahsil olayotganlari tushirilgan rasm baneri ko’rsatiladi)
2-Boshlovchi: Oradan 4 yil o’tdi.
1-bola: Mastura ona suyunchi bering Xasan akamdan Londondan xat keldi.
Mastura ona xatni qo’liga olib oqiydi. (Xat so’zlari boshlovchi tomonidan o’qiladi)
Assalomu alaykum onajon! Sog’liqlaringiz yahshimi, sog’ salomatmisiz.Singlim Zuhrahon yahshimi. Mahalla ko’y, qo’ni – qo’shnilar, qarindosh urug’lar hammalari sog’ – salomatmilar. Onajon men huquqshunoslik diplomini oldim, erta – indin O’zbekistonga qaytyapman. Men sizga, ona yurtimga va yurtboshimizga tazim qilaman. Menga shunday shart – sharoit yaratib berganligingizdan minnatdorman. Kelajakda ona yurtimga, yurtboshimizga sidqidildan hizmat qilishga tayyorman. Yurtboshimiz biz yoshlarni qo’llab – quvvatlab kelayotani bu bizning eng katta yutug’mizdir. Shuning uchun men o’sib kelayotgan uka – singillarimga aytar so’zim o’qing, bilim oling biz yoshlarga yaratib berilgan imkoniyatlardan unumli foydalaning deb qolaman. Men sizlarni va ona yurtimni judayam sog’indim. Barcha yaqinlarimizga salom ayting. Uchrashguncha xayr. Salom bilan o’g’lingiz Xasan!
Zuhrahon: Onajon, onajon! Assalomu alaykum meni tabriklang onajon. Men “Zulfiya” mukofoti sovrindori bo’ldim. Bundan juda xursandman. Men o’z ona yurtimdan, yurtboshimiz I.A. Karimov shunday “Zulfiya” mukofotini tasis etganlaridan juda minnatdorman va hamisha hizmatlariga tayyorman.
Mastura ona: Ollohga ming shukur bugun men uchun qo’shaloq bayram. Hozirgina Londondan, akangdan xat oldim. Akang huquqshunoslik diplomini olib, erta – indin O’zbekistonga, uyga qaytayotgan ekan. Men yoshlarga shunday imkon yaratib bergan yurtboshimiz doim sog’ – omon, boshimizda soyabon bo’lib yursin deyman.
1-Boshlovchi: Bo’lib o’tgan ko’rigimiz baholash uchun va 2011 yilning 4 may kuni bo’lib o’tgan “Yil tarbiyachisi”tanlovi, tarbiyalanuvchilar o’rtasida o’tkazilgan “Men rasm chizishni yahshi ko’raman” shiori ostida tasviri faoliyatni turli usullarida olib borilgan guruhlararo rasm chizish ko’rik tanlovlarini ham taqdirlash uchun so’zni hay’at a’zolari G.A. Kasimova, M.D. Ubayhanovalarga.
1-Boshlovchi: So’z mahalla vakili va ota – onalarga
Raqs: “Eski shahar”
Jin: Rahmat sizlarga. Meni ohirigi bir sehrim qoldi, uni sizlarga sovg’a qilmoqchiman. Hammaangizni sehrli bayram dasurhoniga taklif qilaman.
1-Boshlovchi: Muataqilligimizni 20 – yilligiga bag’ishlangan bayram kechamiz o’z nihoyasiga etdi. Sizlarga tinchlik – totuvlik, sog’lik – salomatlik, baxt va omad tilaymiz. Osmonimiz doimo musaffo bo’lsin.
Malumotlar
1 sentyabirga bogchada bayramı
