Ҳижрат қилган жойлари
Ҳижрат қилган жойлари: Мадинаи мунаввара (Расулуллоҳ соллаллоҳу алайҳи васалламнинг Мадинага ҳижратлари пайғамбарликнинг 14-йили, рабиъул аввал ойининг бошида, у зот қамарий ҳисобда роса 53 ёшга тўлганларида / мил. 622 йилнинг сентябр ўрталарида бўлганига барча уламолар иттифоқ қилишган.
Масжидлари: Мадинаи мунавварадаги Масжиди набавий.
Қиблалари: Каъба – Байтуллоҳ.
Мўъжизалари: энг буюги ва энг машҳури Қуръони каримдир (уламолар Расулуллоҳ соллаллоҳу алайҳи васалламнинг Қуръони каримдан бошқа мўъжизаларининг мингтадан кам бўлмаганига иттифоқ қилишган.(Имом Нававий раҳматуллоҳи алайҳ 1200 та деган («Саҳиҳи Муслим» шарҳининг муқаддимаси), Аҳмад ибн Ҳажар Асқалоний раҳматуллоҳи алайҳ 3000 та деган қавлни ҳам зикр қилган («Фатҳул Борий», 6/583).
Ғазотлари: 28 та (Ҳудайбийя сулҳи ва Қазо умра сафарларини қўшиб ҳисоблаганда. Ғазотларнинг 9 тасида жанг бўлган, холос).
(Ғазот — Расулуллоҳ соллаллоҳу алайҳи васаллам Мадинага кибор саҳобалардан бирини ўринбосар қилиб қолдирганларидан сўнг ўзлари ҳарбий қўшинга бош бўлиб, бирор ерга бир мақсад билан боришлари, унда жанг бўлганми, бўлмаганми — фарқи йўқ.)
Сарийялари: 38 та (иттифоқ қилинган маълумотга кўра).
(Сария — Расулуллоҳ соллаллоҳу алайҳи васаллам бирор мақсадни кўзлаб, бир саҳоба бошчилигида юборган махфий жанговар гуруҳ, унда жанг бўлганми, бўлмаганми — фақи йўқ.)
Муҳр узуклари: подшоҳ ва амирларга юборилган даъват мактублари каби ҳужжатларга босилган.
Муҳр узукларига масъул саҳоба: Муъайқиб ибн Абу Фотима Давсий розияллоҳу анҳу (ҳижрий 40-йил / мил. 660-661 йилда вафот этган). У Расулуллоҳ соллаллоҳу алайҳи васаллам, ҳазрати Абу Бакр, ҳазрати Умар ва ҳазрати Усмон розияллоҳу анҳум даврларида масъул бўлган.
Даъват мактублари юборилган подшоҳ ва амирлар: (ҳижрий 6-йил зулҳижжа ойининг охири ёки 7-йил муҳаррам ойининг боши / мил. 628 йил май)
1) Нажоший – Ҳабашистон подшоҳи Асҳама ибн Абжар роҳматуллоҳи алайҳ;
2) Муқавқис – Миср ва Искандарийя подшоҳи Журайж ибн Мийно Қибтий;
3) Кисро – Форс подшоҳи Абравез ибн Ҳурмуз ибн Анушервон;
4) Қайсар – Рум подшоҳи Ҳирақл;
5) Баҳрайн ҳокими Мунзир ибн Совий роҳматуллоҳи алайҳ;
6) Ямома ҳокими Ҳавза ибн Алий;
7) Дамашқ ҳокими Ҳорис ибн Абу Шамир Ғассоний;
8) Умон подшоҳи Жайфар ибн Жуландо ва укаси Абд ибн Жуландо роҳматуллоҳи алайҳимо.
(Умон подшоҳига мактуб Макка фатҳидан кейин юборилган деган қавл бор.)
«Расулуллоҳ ва аҳли байт» китобидан.
Ислом
Ҳижрат қилган жойлари