Ёмгир узбекча шеър

Ёмгир… Сени кутгандим узок,
Сенга илхак булгандим, тушун.
Могор босиб кетган багримни
Бир тозалаб олмоклик учун.

Соябонсиз кезаман… тунни
Безагандир томчилар ракси.
Шундай лахза бир томчи ёмгир

Булиб колсанг канчалар яхши.

Канча дардга калкон эр куксим,
Нега бунча ожиз колди, айт?
Ювгин маним аламларимни
Бу гамларни озгина камайт.

Бу ёмгирда хеч ким курмайди,
Юрагимга бир кулок солай.
Йиглаш мумкин кукка кушилиб
Кузларимни йиглатиб олай.

Эр кишига уят… йигини
Озод килса карокларидан.
Томчи булиб тушса не чора
Эзилган дил варокларидан.

Какраб колган куз ёшларини
Бир киз учун окизган тентак.
Кетмагунча юрак ювилиб
Хали канча ёмгирлар керак.

Сен хам йиги булсанг, ай ёмгир
Огушингда эриб кетсин дард.
Бир томчи ёш энди уятмас,
Йигʻаб турса осмондай жумард.

Бу ашкларнинг мамлакатида
Соябонсиз яшамок огир.
Силаб утар бошим охиста
Тоза ёмгир, бокира ёмгир.

Хуршид Абдурашид

Шерлар
Ёмгир узбекча шеър