Яшил китоб” кинокартинаси “Йилнинг энг яхши фильми” деб топилди

“Биз “Яшил китоб” фильмини йилнинг энг яхши фильми деб топганимиздан хурсандмиз. Фильмда самимий дўстлик, қайноқ ва жўшқин тасвирлар биргаликда кўрсатилади, инсониятнинг оғриқли муаммолари ҳақида баҳс юритилади”, – дейди Миллий кинотанқидчилар кенгаши директори Энни Шульхоф.

“Yashil Kitob” filmiga review

Agar insoniylik va san’at zavqi haqida film izlayotgan bo’lsangiz, mashhur rejissor Piter Ferellining “Yashil kitob” (Green book) filmi aynan sizga manzur bo’ladi deb o’ylayman. Kecha ikkinchi bor ko’rib chiqdim.

To’g’risi bu safar juda ta’sirlandim.
Oxirgi “Oskar”ni o’ziniki qilgan kinofilmlar ichida mazmun, syujet yecchimi va yorqinligi bilan yaqqol ajralib turadi. yashil kitob o’zining ajoyib syujetidan tashqari rollarni mohir o’ynab qo’ygan aktyorlik tarkibi bilan ham ajralib turishini ham maqtab o’tish lozim.
Muhimi, siz bu kinoda Gollivudga xos bo’lgan +18 sahnalarni deyarli uchratmaysiz.

Film voqealari 1960- yillardagi Amerika jamiyatini namoyish etadi. Film qahramoni esa Toni Vaysaqi ismli asli kelib chiqishi italyan bo’lgan amerikalik va qoratanli bo’lgan dunyoga mashhur Don Shirel ismli pianistdir.

Qoratanli Don pianist o’zini xush ko’rishmaydigan Janubiy shtatlarga o’zining oq tanli haydovchisi bilan turnega jo’naydi. Uni oq tanlilar sahnada olqishlashsada, jamiyatda o’zlariga teng ko’rishmaydi. Irqiy kamsitishlariga qaramasdan ulkan matonat namoyish etadi.

Film inson o’zligini anglashi, hech kim boshqa birovdan irqiy yoki boshqa jihatdan ustun turmasligi va tolerantlikni targ’ib etadi.

Mening xolis fikrim, bu film Oskar mukofotiga arzigani kabi sizning bir marotaba tomosha qilishingizga ham arziydi.

“Яшил китоб” кинокартинаси “Йилнинг энг яхши фильми” деб топилди

27 ноябрь куни АҚШ Миллий кинотанқидчилар кенгаши томонидан америкалик режиссёр Питер Фарреллининг “Яшил китоб” кинокартинаси “NBR Awards”да “Йилнинг энг яхши фильми” деб топилгани маълум қилинди .

“Энг яхши актёр” номинациясига “Яшил китоб” фильмидаги Валлелонг роли учун Вигго Мортенсен, “Энг яхши актриса” номинациясига эса “Юлдуз туғилди” фильмидаги хонанда Элли роли учун Леди Гага муносиб кўрилди.

“Биз “Яшил китоб” фильмини йилнинг энг яхши фильми деб топганимиздан хурсандмиз. Фильмда самимий дўстлик, қайноқ ва жўшқин тасвирлар биргаликда кўрсатилади, инсониятнинг оғриқли муаммолари ҳақида баҳс юритилади”, – дейди Миллий кинотанқидчилар кенгаши директори Энни Шульхоф.

Ғолиблар 2019 йил 8 январда “NBR Awards” мукофотининг гала-концертида тақдирланади.

“Яшил китоб” фильмидан жаз пианиночиси Дон Ширли ва унинг қўриқчиси Тони Липнинг 1962 йилда АҚШ жанубига қилган сайёҳати ҳақидаги воқеалар ўрин олган. Йўлда улар афро-америкаликлар учун хавфсиз жойлар кўрсатилган харитадан фойдаланишади. Фильмдаги бош ролларни Вигго Мортенсен ва Махершала Алилар ижро этган.

“Яшил китоб” фильми прокатга шу йилнинг 21 ноябридан чиққан.