Энди сизга бўлмайди осон узбекча шеър

Энди сизга бўлмайди осон,
Қамоқдасиз қалбим қасрида.
Овунаман шундай мен нодон,
Занжирбандман ўзим аслида.

Энди сизга бўлмайди осон,
Чўктиради меҳр уммони.
Ҳайрон бўлманг рашким келганда,
Олов олиб кетса дунёни.

Энди сизга бўлмайди осон,
Юрагингиз сўроқсиз олдим.
Қараб туринг,куйдираман деб,
Ўз ўтимда куйиблар қолдим.

Энди сизга бўлмайди осон,
Кечиргайсиз,азизим бизни.
Паноҳига олсин Ҳудожон,
Сизни суйган суймасингизни…………

Шерлар
Энди сизга бўлмайди осон узбекча шеър