Хой, оқ илон, оппоқ илон узбекча шеър

Хой, оқ илон, оппоқ илон узбекча шеър

Хой, оқ илон, оппоқ илон,
Ойдинда ётганинг қани?
Сен-ку мени ёмон дединг,
Яхшини топганинг қани?

Ҳой, оқ илон, оппоқ илон,
Тўнингни ташлаб кетма.
Олиб-олиб, менга ёмон
Кунингни ташлаб кетма.

Ана, унинг тили узун,
Менинг дилим узундир.
Ана унинг қўли узун,
Менинг йўлим узундир.

Узун-узун ишончларим
Жон жойида узилди.
Юракдаги ишонч уйи
Тикланмасдан бузилди.

Ҳой, оқ илон, оппоқ илон,
Тўнингни ташлаб кетма.
Олиб-олиб, менга ёмон
Кунингни ташлаб кетма.

Ҳой, оқ илон, оппоқ илон,
Тишингдаги заҳарми?
Қон йиғлатиб мени кўп ёмон
Куйдирганинг саҳарми?

Эшикларни йиғлаб ёпдим,
Эшигингни ёпгин, ёр.
Мен-ку сени суйиб топдим,
Сен Худодан топгин, ёр.

Ҳой, оқ илон, оппоқ илон,
Ойдинда ётганинг қани?
Сен-ку мени ёмон дединг,
Яхшини топганинг қани?

Ҳой, оқ илон, оппоқ илон,
Тўнингни ташлаб кетма.
Олиб-олиб, менга ёмон
Кунингни ташлаб кетма…

Шерлар
оқ илон, оппоқ илон узбекча шеър, Хой