Тухмат
-Хотин, совук чой олиб кел! — ушкирди арок ичиб, маст булиб, гандираклаб келган эркак.
-Хозир, — куркув аралаш жавоб берди аёл.
Чойнакни чумагидан чойни хуриллатиб охиригача “ютгач” эркак темир каравотга узини ташлади. Бироздан сунг хона унинг гулдираган хуррагига тулди.
Бир соатлардан кейин огзи какраб, сув ичишга турган эркак, негадир “чунтагимдаги пулим кани?” деб важохат билан аёлига бакириб колди.
-Яхшилаб куринг, дадаси, мен тегмадим! – деди аёл минг хавотир билан ва ичида секингина шивирлади: “Топилаколсиней, ишкилиб”.
-Сен олиб куйгансан! Кани, топ, бул, яшириб куйдингми пулимни, угрисан, — сукина кетди эркак.
-Дадаси, мен ошхонадан бери келмадим-ку, чунтакларингизни яхшилаб куринг, мен тегмадим, ишонинг, — зорланарди аёл.
-Сендан бошка олмайди, угри хотин, топ пулни, чунтагимдалиги аник эди… Топ! — бисотидаги энг хунук сукиниш, хакоратларни каторлаштириб ташларди эркак.
Тусатдан тушган тепкидан аёл букилиб, огрикдан хатто ингролмай хам колди.
-Пулни жойига куй, хароми, угри,- тинмай сукиниб, айбсиз “айбдорни” дуппосларди эркак…
Шовкинни эшитиб, эшикдан касава румол ураган кампир-кайнонани боши куринди…
-Нима гап, болам ? — суради кампир.
-Курмайсизми, пулимни угирлаб, буйнига олмаслигини? Тан олмасин, топиб бермасин, улдираман, — ушкирарди эркак бор овози билан.
-Худо хакки, дадаси, мен олмадим, мен угримасман, Худодан куркинг, тухмат килманг, — юзининг конини артишга уринарди аёл. Титраб, зурга овози чикарди…
Тусатдан, кампир важохат билан келинига ташланди ва уни уришга тушди:
-Касам ичма, касам уриб улгур, олган булсанг кайтариб бер, угри!
Аёл шурликни бурчакка босиб, уласи килиб дуппослаган она-бола чарчашди шекилли, уришдан тухташди.
Кампир углининг урнини тугрилаб бераман деб, ёстикни кутариб…бир даста пулни курдию:
-Ха, ула арок ичмай, кара, манаку пулинг, захархур, ичма энди дегандима… – гудранди эшикка йуналиб.
Бурчакда, огзи-бурни конга беланиб , огрикдан, тухматдан бугрикиб, “Мен угримасман, мен олганим йук” -дея алам билан аянчли шивирларди шурлик аёл…
Ушбу тухмат ва адолатсизлик учун эр хам, кайнона хам кечирим сурашни хаёлларига хам келтиришмади. Афсус…
Энди хисоб-китоб Киёмат куни булади… Энди бу нохакликнинг жазосини ожиза аёл эмас, азоб берувчи фаришталар беришади!
Хикоялар
Тухмат