РАМАЗОН ТУҲФАСИ узбекча шеър

РАМАЗОН ТУҲФАСИ узбекча шеър

РАМАЗОН ТУҲФАСИ.🌺🕊

Жамики рўзадор ака-укаларим номидан!
Азиз ва Мунис, Камтарин ва Хокисор Ўзбегим Аёлларига☝️…

Дунёнинг хаёю-шарми сизники!
Ширинлик ва ҳамда гарми сизники!
Ўзбегим аёли, унутманг асло:

Тутган рўзамизнинг ярми-сизники!

Зўр-базўр турамиз саҳарга аранг,
Тайёр овқатга ҳам қиламиз таранг,
Уйғотасиз,ялиниб… бизларни,қаранг:
Тутган рўзамизнинг ярми-сизники!

Кундузи тенгма-тенг тўкасиз терлар,
Сизсиз қуриб битар экин-у,ерлар,
Билдим, жонингизни недан қирқ дерлар:
Тутган рўзамизнинг ярми-сизники!

Биз тутган рўзани сиз ҳам тутяпсиз,
Газ йўқ-ўчоғингиз… тутун ютяпсиз,
Ҳамон келажакдан-умид… кутяпсиз:
Тутган рўзамизнинг ярми-сизники!

Қўлингиз косов-у, сочлар-супурги,
Эгнизда-кўйлаклар… бир йил бурунги,
Сизга бас, овсинлар жонли гурунги:
Тутган рўзамизнинг ярми-сизники!

Аслида Аллоҳнинг раҳмати-Сизсиз!
Бирингиз-қайнона, келинсиз-қизсиз!
Билмадим аҳвол не бўларди, Сизсиз:
Тутган рўзамизнинг ярми-сизники!

Бу ҳақда ёзгандим… яна қайтаман,
Ташаккур айтайин қайта-қайта Ман,
Кимгадир ёқмаса… баланд айтаман:
Тутган рўзамизнинг ярми-сизники!

Шерлар
РАМАЗОН ТУҲФАСИ узбекча шеър