Онам дер жон болам ўзингни асра ота-она хакида шеър
Дунё кўринса гар менга зим-зиё,
Омад ҳам қилмаса бир карра қиё,
Кўринса ҳар нима шунчаки рўё,
Онам дер жон болам ўзингни асра!
Дўстларим душманни ишини қилса,
Душманим билдириб ортимдан кулса,
Иккиси бир бўлиб пичоқлар урса,
Онам дер жон болам ўзингни асра!
Тунлари кўзлари илинмай кутар,
Ҳавотир олару, захарлар ютар,
Кўнглидан хадиклар бир пастда ўтар,
Онам дер жон болам ўзингни асра!
Дейдилар дунёни иши тинмайди,
Озгина тин болам хеч ким билмайди,
Йиққан давлатларинг дўстлик қилмайди,
Онам дер жон болам ўзингни асра!
Қара сочларинга қўнибди қиров,
Энди қирққа кирди демайди биров,
Соғиндим тиззамда ухлашинг бирров
Онам дер жон болам ўзингни асра!
Ўтиргин озгина суҳбат қурайлик,
Маҳаллани бироз яйёв юрайлик,
Бир кунга ташвишни қўйиб турайлик,
Онам дер эҳ болам, ўзингни асра!
Югур югурларинг тугамас ҳечам,
Ишдан қайтгунингча тушади кеч ҳам,
Мен учун эҳтиёт қилса, бас эгам,
Онам дер жон болам ўзингни асра!!
Ота-она хакида шерлар, Шерлар
Онам дер жон болам ўзингни асра ота-она хакида шеър