Нилуфар Усмонова очиқ кийинишда Лолани ҳам ортда қолдирди (Фото ва видео)

Qayd etilishicha, «Vijdon erkinligi va diniy tashkilotlar to‘g‘risida»gi qonunining 10-moddasiga binoan, mamlakat hududida diniy mazmundagi materiallarni tayyorlash va tarqatish dinshunoslik ekspertizasining ijobiy xulosasi olinganidan keyin amalga oshiriladi.

Toshkentdagi ichki kiyimlar do‘konini tanqid qilgan bloger diniy kontenti uchun jarimaga tortildi

Toshkentdagi Milavitsa ichki kiyimlar do‘konining tashqi vitrinasiga modellar surati tushirilgani va bunday suratlarni joylashtirishga «ruxsat bergan» tuman hokimligini tanqid qilgan bloger 24 yoshli Chirchiq shahrida yashovchi Sh. A. bo‘lib chiqdi. Bu haqda Toshkent shahar IIB xabar berdi.

«Mana bunga ahamiyat bering. Yaxshilab qarang. (Bolalarning — tahr.) ko‘zlarini tezroq ochilsin deb bunga ruxsat berdinglarmi? To‘rtinchi, beshinchi sinf o‘quvchilari shu yerdan o‘tadi. Bunga chora ko‘rasizlarmi?», — degandi bloger videoda.

Keyinroq muallif yana bir video e’lon qilgan. Unda do‘kon oynasida modellarning fotosuratlari yo‘qligini ko‘rish mumkin.

«Bollar, mana buni qaranglar. Kechagi videodan keyin bu yerdagi fohishalarning rasmini olib tashlashibdi. Rahbarlarga tushungani uchun rahmat. Ko‘ryapsizmi, hammamiz bir jamoa bo‘lib mushtni bir joyga ursak, ko‘p ishlarni hal qilib tashlasak bo‘ladi», — deya murojaat qilgan u obunachilarga.

Biroq oradan vaqt o‘tib, ichki kiyimlar do‘koni modellar suratini vitrinaga qaytardi, ularning bir qismini almashtirdi. Hokimlik esa do‘konni suratlarni olib tashlashga majburlamaganini bildirdi.

Poytaxt IIBBning xabar berishicha, 16 fevral kuni Sh. A. Chirchiq shahar IIO FMB taklif etilgan. O‘tkazilgan suhbatda u yuqorida keltirilgan do‘kondagi reklama bannerlariga nisbatan munosabatini «o‘zining diniy qarashlaridan kelib chiqqan holda bildirganligini» aytgan.

Shuningdek, erkak turli diniy mavzudagi materiallarni amaldagi qonunchilikka zid ravishda ijtimoiy tarmoqlardagi shaxsiy sahifasi orqali tarqatib kelayotganligi aniqlangan. U bilan «Huquqbuzarliklar profilaktikasi to‘g‘risida»gi qonuniga asosan o‘tkazilgan profilaktik suhbat davomida qonunchilik hujjatlari talablari tushuntirib o‘tilgan.

Xususan, unga tadbirkorlik subyekti mulk huquqi asosida o‘ziga tegishli bo‘lgan mol-mulkka o‘z xohishiga ko‘ra egalik qilishi, undan foydalanishi va uni tasarruf etishi kabi qonun normalari tushuntirilgan. Tadbirkorlik faoliyati subyekti o‘z ishchanlik obro‘siga putur yetkazadigan ma’lumotlarga raddiya berilishini sud tartibida talab qilishga haqli ekani ma’lum qilingan.

«Turmushda va jamiyatda qabul qilingan xulq-atvor normalari va qoidalariga rioya etishda insonlar o‘zlarining shaxsiy diniy va axloqiy qarashlari orqali boshqalarga baho berishi yoki boshqacha ko‘rinishda aralashishi mumkin emas. Ushbu tartibga qarshi har qanday insonlarning harakati qonun asosida qat’iy ta’qib qilinadi», — deyiladi boshqarma xabarida.

Qayd etilishicha, «Vijdon erkinligi va diniy tashkilotlar to‘g‘risida»gi qonunining 10-moddasiga binoan, mamlakat hududida diniy mazmundagi materiallarni tayyorlash va tarqatish dinshunoslik ekspertizasining ijobiy xulosasi olinganidan keyin amalga oshiriladi.

Shu munosabat bilan, sud idoralari tomonidan fuqaro Sh. A.ga nisbatan Ma’muriy javobgarlik to‘g‘risidagi kodeksning 184−2-moddasiga (Diniy mazmundagi materiallarni qonunga xilof ravishda tayyorlash, saqlash, olib kirish yoki tarqatish) asosan, bazaviy hisoblash miqdorining 3 barobari miqdorida jarima jazosi tayinlangan.

«Turli millat va konfessiya vakillari istiqomat qiladigan jamiyatimizda qonun bilan o‘rnatilgan va ijtimoiy kelishuv asosida tartibga solinadigan munosabatlarga qarshi har qanday turdagi nojoiz gap-so‘z va sa’y-harakatlar aholi orasida tushunmovchiliklar yuzaga kelishiga va turli muammolar kelib chiqishiga sabab bo‘ladi. Jamiyatda qabul qilingan yurish-turish qoidalarini hurmat qilgan holda, milliy qonunchiligimizga itoatkor bo‘lishga chaqiramiz», — deyiladi Toshkent IIBB axborotida.

Нилуфар Усмонова очиқ кийинишда Лолани ҳам ортда қолдирди (Фото ва видео)

Хонанда Шаҳзода ўзининг Facebook`даги саҳифасига ҳамкасби, яқин дугонаси Нилуфар Усмонова ва бир йигит билан тушган суратини жойлади. Нилуфар Усмонованинг очиқ кийимда тушган мазкур сурати интернет фойдаланувчиларининг кескин танқидига сабаб бўлди.

Аксарият фойдаланувчилар хонанданинг кийган либосини танқид остига олиб, салбий муносабат билдирди.

Улардан бири “Биз баъзан кимлигимизни унутиб қўямиз. Яна бир неча йилдан сўнг шоу-бизнес вакиллари яланғоч юрса ҳам ажаб эмас. Кўзгуга қаранг, ахир сиз ёшларга ўрнак бўлишингиз керак!”, – дея куйиниб гапирди.

Кўпчилик фойдаланувчилар Нилуфар Усмонова ўзбекчиликка тўғри келмайдиган тарзида кийинганини, ўзига ярашмаган иш қилганини таъкидлади. Айримлар эса бунда Нилуфарни қоралаш нотўғри эканлигини, аслида мазкур сурат Шаҳзоданинг саҳифасига жойлаштирилганини, унинг эса Нилуфарнинг бундай суратини жойлашга ҳаққи йўқлигини айтди. Яна бир фойдаланувчи Нилуфар очиқ кийинишда хонанда Лолани ҳам ортда қолдирганини айтиб ўтди.

Шаҳзода эса изоҳларни жавобсиз қолдирди. Суратни ҳам олиб ташлашни лозим топмади, гўё халқ фикрининг унга умуман аҳамияти йўқдай! Сурат остидаги изоҳларни қуйида ўқишингиз мумкин:

Бу ерда Нилуфарнинг сурати танқид бўлаётган бир пайтда хонанданинг ўзи ҳам Facebook ижтимоий тармоғидаги шахсий саҳифасига мана шундай тарздаги “очиқ” видеоролигини жойлаштирди. Унда хонанданинг рақсга тушиш учун мўлжалланган залда арабча рақсга тушаётганини кўриш мумкин. Рақс ёки спортнинг бирор тури билан шуғулланаётганда хонандалар ўзига хос, ҳаракатларни чекламайдиган, эркин услубдаги кийимда бўлишлари керак, тўғри, аммо бу қадар очиқ кийинганини бутун оммага кўз-кўз қилиш қанчалик тўғри?

Қуйидаги видеода Нилуфар мухлислари билан онлайн мулоқот қилган:

Видео Нилуфарнинг аксарият мухлисларига манзур бўлди, улар хонанданинг яхши рақсга тушишини эътироф этишди. Бироқ унинг очиқ-сочиқ, ўзбек миллатининг ҳеч бир қолипига тўғри келмайдиган кийимини танқид қилганлар ҳам бўлди. Айрим фойдаланувчилар хонанданинг турмуш ўртоғида эркаклик ори йўқлиги қабилидаги изоҳларни ҳам қолдиришди.

Дарҳақиқат, оилали, бунинг устига уч ўғил фарзанднинг онаси бўлган ва энг аввало ўзбек миллатига мансуб аёлнинг ёшларга ўрнак бўлиш ўрнига, мана шундай очиқ-сочиқ кийинишни тарғиб қилиши қанчалик тўғри? Хонандаларимиз бу каби ҳатти-ҳаракатлари билан кимга нимани исботламоқчи? Ўзбек эстрада вакиллари ўзини ҳар қандай кўйга солишни истаса бу уларнинг шахсий иши, бироқ бу ноўрин, миллийлигимизга хос бўлмаган ҳатти-ҳаракатларини минглаб ўзбек ёшлари кузатиб борадиган ижтимоий тармоқларга шу тарзда жойлаш тўғримикин? Ёшларнинг санъаткорларга тақлид қилиши азалдан бўлган, бас шундай экан, ўзбек қизлари кийиниш-у, юриш-туришда сиз каби санъаткорлардан ўрнак олдиган бўлса, бу кетишда Европани ҳам ортда қолдирамизку! Ўзбек ёшлари маънавиятини шакллантиришда санъаткорлар бевосита иштирок этишини эстрада вакилларимиз унутиб қўйишмаса мақсадга мувофиқ бўлармиди! Бироқ бундай ноўрин хатти-ҳаракатлар билан санъаткорлар нафақат ўз номига балки бутун ўзбек миллати номига доғ туширишларини унутиб қўйишаётгандай назаримизда!