Дўст ҳақида жуда ажойиб шеър дуст хакида шеър

Дўст, менинг дунёмга кира кўрмагин,
Дўзахнинг ўтида куйиб кетасан.
Мен юрган йўллардан юра кўрмагин,
Бир умр жонингдан тўйиб ўтасан.

Қисмат итқитади чилвир чўлига,
Узлатга бандилар бўлиб қоласан.
Ёлғизоёқликнинг ёлғиз йўлига,
Бошингни қўйганча ўлиб қоласан.

Фаришта дегани бойларга боқар,
Ғариб-ғурабони кўзга илмайди.
Қалбингда кулдиргич бўлса ҳам агар,
Минг чиранма, бахтинг кула билмайди.

Қабристон тарафга қарайсан маъюс,
Шикаста жонингга янтоқ ботади.
Дўпмайган гўр сени тан олмас, афсус,
Тош қотган тавбалар титраб кетади.

Жон дўст, ёлвораман, ўз дунёнгда қол,
Сен-да ҳашаматнинг даъвогарисан.
Бесабр бахтингни бағрингга-да ол,
Сен менга дўстсан, лек мендан нарисан.

Дуст хакида шерлар, Шерлар
Дўст ҳақида жуда ажойиб шеър дуст хакида шеър