Битта смс туфайли бузилган туй.

Осмонда сузиб юрган увада булутлар бир жойга жам булди-ю, хаво айниб, аста-секин ёмгир томчилай бошлади.Хаял утмай,унинг шиддати кучайди.Хозиргина куклам шабадасида чайкалганча кийгос гулларини куёшга куз-куз килиб турган дарахтлар бир зумда эгилиб колди.Ерга дувва тукилган гулбарглар эса йулак четидаги арикчаларда гир-гир айлана-айлана,лойка сувга коришиб ока бошлади. Момокалдирок гумбирлаб, осмоннинг аллакаерида чакмок чакди-ю, асфальт йулакларда ёмгирдаг кунгирокчалар хосил булди.
-Улдик, энди уйга кандай кетамиз?-деди Севинч кулранг сумкачасини боши узра кутараркан.
-Панада бироз кутиб турамиз, тиниб колар,-кошлари чимирилди дугонаси Барнонинг.
У нега Севинч дарсдан чикибок уйига укдек учишининг сабабини яхши билади. Чунки унаштирилган йигити чет элда укийди ва у билан хар куни уйидаги компьютерда интернет оркали гаплашиб туришади.
-Даданг кандай рухсат беради?- дейди Барно баъзан дугонасининг эрталаб дарсга келиши билан йигити хакида энтикиб,хаяжонланиб гапиришидан гаши келиб.
-Дадамнинг узи онамла «Майли, гаплашиб туришсин», деган.
-Тавба,хозирги оталар хам замонавийлашиб кетяптими дийман?
-Нима бупти,унаштирилганмиз-ку, хадемай туйимиз булади…
Барнога унинг ана шу «Туйимиз булади» деган гапи ёкмади.»Мактанишини-чи» дейди жахли чикиб ва ич-ичидан уни нимадир кемира бошлайди..»Уни куролмаяпманми?» дея уйлайди баъзан хайрон булиб.Аммо шу ондаёк миясида карама-карши фикрлар пайдо булла бошлайди. Нега энди дугонасига шундай келишган, укимишли, билимли ва замонавий йигит учрайди-ю,унга эса йук,нега?! Унинг Севинчдан каери кам? Хунукми ё кийшикмикан? Дарсдан чикиб,уйига бориши билан ойиси дийдиёсини бошлайди:

-Бу йил магистратурани хам тугатасан, юравер кари киз булиб, сен тенгилар…
-иккита болали булишган,- дейди Барно онасининг гапини шарт булиб.
-Шуни билсанг ноз килмай келаётган совчилардан бирига розилик бер, качонгача юрасан?
-Уша совчиларингиз сураб келаётган кингир-кийшик йигитлар менга ёкмайди!
-Вой-эй, куклимнинг кучасидан. Узинг осмондаги оймидингки, бировларни камситасан? «Эшагига яраша тушови», деган гап бор.Нима бупти, сураётган йигитлар узимиз тенги оиланинг фарзандларида. Ундан ортиги бизникига совчиликка келармиди?
Барнога онасининг анна шу «ундан ортиги» деган гапига чидай олмайди. Нега энди у узи орзу килган йигитга турмушга чика олмас экан, нега? Мана дугонаси Севинч оддий оиланинг кизи булса хам, зур йигитга унаштирилди-ку…
-Аксига олиб, соябон хам олмапман,- ёмгир тинмаётганлигидан хамон ташвишга тушиб, типирчиларди дугонаси,-кетаверсаммикан ёки?…
—Вой-эй, бунча шошиласан?Уйда йиглаб колган боланг борми?-уни жеркиб ташлади Барно.
-Ха, компьютерда йиглаб коладиган чакалогим бор, хушнуд жилмайди Севинч.
-Хар куни нимани гаплашасизлар узи?
-Хамма нарсани.У билан гаплашиш жудаям ёкимлики, буни бошингга тушса биласан хали. Хар куни кимдир сени кутса, ширин сузлар билан эркалатса,хар соатда, бу бахт-ку, урток.
-Ха, камига телефонингга хам СМС келиб турса-а?- дугонаси кувониб гапирган сайин энсаси котарди Барнонинг.
-Вой, сенам сездингми шуни?
-Буни сезмаслик учун кур ва кар булиш керак одам.
Барнонинг гапидан ках-ках отиб кулди Севинч. Сунг кузлари ёниб, яна у хакда гапира бошлади.
-«Фариштам, гузалим, чарчаб колмаяпсанми?» деб ёзади.Умримда эшитмаган гапларим, манна, кара,- Севинч шундай деб, шоша-пиша телефонидаги СМСларни дугонасига курсата бошлайди.
Барно унинг телефонидаги ёзувларга бепарво куз ташларкан. Ичидан ЗИЛ кетгандай булди: «Салом, калбим маликаси. Яхши дам олдингми? Бугун университетга борасанми?Йулларда эхтиёт бул.Хеч ким карамасин сенга. Биласан рашк бобида Отелломан.Севаман». «Лолагулим, тонгда очилган чечагим. Сени согиндим…» «Вактида овкатланиб, узингни эхтиёт килиб юр, менга кераксан…» Мана шу охирги СМСни укиркан Барнонинг бугзига аччик бир нарса тикилгандек булди. «Сен менга кераксан» деди ичида такрорлаб.»Кимдир менга хам качондир шундай сузларни айтармикан, ёниб севармикан мени хам…» Шу дам бир вокеа лоп этиб эсига тушди. Бундан икки йил олдин бир йигитдан совчи келганди уйига.
-Зур йигит, укиган, узининг кафелари бор,дея мактади уртада турган холаси огиз купиртириб мактар экан.
-Мана расмини кур.
Барно сураидаги гудайиб турган йигитни курдию унга кизикиб колди.
-Келишган йигит экан. Аммо намунча керилиб тушган?-деди холасига.
-Сениям куша-куша кафеларинг булса, бундан баттар керилардинг.
Барно: «Ха, энди шу эканда хаёт деганлари», дея унга турмушга чикишга ррозилик билдирди. Аммо йигит билан учрашувга чикди-ю, хафсаласи пир булди. Кеккайган, узига бино куйган бу йигит Барнони бир хасча курмаслиги унинг гап-сузлари-ю, узининг тутишидан хам билиниб турарди.
-Хотин киши эркакнинг кули булиши керак-деди йигит гуё Барно унга ялиниб-ёлвориб тегаётгандекю
-Менга укимишли-«Ишлайман»-деган кизлар ёкмайди.
-Менга эса сиз ёкмадингиз,-дегандиБарно ушанда йигитнинг юзига тик караб.
Эххе, шундан кейин уйида оз мунча тупалон булганмиди? Онаси йиглаган.холаси:
-Энди кари киз булиб уйингда утириб колсанг хам сенга куёв топмайман,- деганди бакириб.
-Топманг, ким сизга куёв топинг деди?-дея холаси билагн урушиб колганди Барно.
Энди эса…
-Мана, яна кара… — Унинг ичидаги истиробларидан бехабар дугонаси хамон телефондаги СМСларни курсатиш билан овора эди.
-Булди, бунча мактанчоксан? Икки киши уртасидаги гап бировга айтилмайди,- деди Барно уни жеркиб.
-Тугри , лекин кил утмас дугонамсан-ку, айтмасам ёрилиб кетаман. Хуршид акамга хам сен хакингда куп гапирганман. «Дугонангни расмини юбор, курай» деди кизикиб. «Курсангиз, севиб коласиз»- дея хазиллашаман.
-Рашк килдингми?
-Йугей, нега рашк киларканман?! Юбораман расмингни. Компьютеримда битта зури бор. Шуни жунатаман.
Барно дугонасига «Йигитининг узига ухшаган бирорта уртоги билан таништириб куйсин» демокчи булди-ю, аммо уялди.Севинч бошкача тушуниши мумкин. Шу боис:
-Узинг биласан-дея куйди бепарво.
Эртаси куни Севинч дарсда негадир хомуш куринди.
-Сенга нима булди, касалмисан? – хайрон булди Барно.
-Кеча у билан урушиб колдик.
-Нега? «Лолагулим, тонгда очилган чечагим» дейишлари жуда бошкача эди-ку.
-Эй, узимдан булди. «Нима киляпсан?» дея сураганди «одноклассники» да дустларим билан гаплашяпман деб тугрисини айтиб куйибман. Жахли чикиб кетди. «одноклассники» тартибли одамларнинг жойи эмас. Сени шундай кизсан деб уйламагандим» деб телефонни учириб куйса буладими? СМс ёздим, кунгирок килдим, кани энди гаплашса… Эрталабгача ухлолмадим. Энди нима киламан?
-Шунга шунчами? Бироз кут, узига келиб колар…
Севиинч хомуш булиб юрди.
-Уйга кетаман- деди охирги дарсга киргиси келмай.
-Нега ?
-Мазам булмаяпти.
«Баттар бул, унаштирилган йигитинг булла туриб сенга ким куйибди однода йигитлар билаг гаплашишни?» Ичидан уни масхаралади. Барно ва бир узи охирги дарсга киргиси келмай уйига жунаб колди.Эртаси куни Севинч дарсга кайфиятсиз ахволда келди.
-Энди нима киламан?- деди Барнога мултираб. Мен билан умуман гаплашгиси келмаяпти.
-Уфф ….
-Бупти, бупти, гапирмадим сенга…
Дарсда маъруза тинглаб утираркан гурух рахбари Севиняни йуклаб келди.
-Домла шу кизга бир соатга рухсат беринг. Илмий иши буйича бир иккита хужжатлдарга имзо чекиши керак эди…
Севинч эшикдан чикиши билан унинг сумкасида колган телефони жиринглай бошлади. Барно шоша-пиша дугонасининг сумкасини ковлаб, телефонини овозсизга куяркан, беихтиёр экрандаги ёзувга кузи тушди. «Хуршид» деган ёзув бор эди унда. Демак , йигити ярашиш учун Севинчга кунгирок киляпти.Телефон овозсизга утказилгандан кейин хам экранда тинимсиз шу ёзув учиб, ёниб турди. Сунг экранда хабар келганлигини билдирувчи белги пайдо булди. «Очиб укисаммикан?» Деди Барно кизикиб. Аммо бировни хатини укиш одобсизлик эканлигини билгани учун узини тийди. Аммо орадан бироз вакт утиб, экранда яна шу белги пайдо булди. Барно беихтиёр телефонга кул чузди…
Эртаси куни Севинч дарсга келмади, ундан кейин хам. Барнонинг унга кунгирок килиб хол сурашга юраги бетламасди.
-Севинч касалхонага тушиб колибди,-дейишди уни кургани борган дугоналари. Орадан бир ой утгач, унинг туйи кайтгани маълум булди.
-Кимдир Севинчнинг телефонидан йигитига жуда ёмон гаплар ёзиб юборибди,-деди кизлардан бири.
-Хабар жунатилиб, бирдан учирилган экан. Севинч кимлигини билолмапти,-деди иккинчига.
-Лекин йигити «Узинг ёзгансан» деб ишонмапти. Чунки бир кун олдин урушиб колган экан-да…
Барно бу гап-сузларни эшитаркан, килган ишидан пушаймон чекар, виждони кийналар, вактни оркага кайтаргиси келар. Аммо, бунинг иложиси йуклигини билгани сари уз-узидан нафратланиб борарди….

Хикоялар
Битта смс туфайли бузилган туй.