Бир кария чупон…
Бир кария чупон куй- сигирларини бокиб, эрта сахардан то кечгача яйловда юрар эди. Аксар холларда тепаликка якин усган олма дарахти тагида дам олар, олмалари пишган махал уша дарахт билан сухбатлашар эди: — Кани болам, мендай бир кариянинг олмасини бериб юбор-чи, — дер эди. Худди уша пайт мазаси суз билан таърифланмайдиган даражада ширин булган, хиди хам узгача уфуриб турган бир олма — туп этиб ерга тушар эди. Кария эса уша гарк пишган олмани олиб, кулидаги кичкинагина каламтароши билан тилим- тилим килиб кесар эди-да, халтасидан айронинини чикариб, енгилгина тамадди килиб олар эди.
Сунг, отасидан колган Куръони Каримини авайлабгина кулига олиб, аста- секин укий бошларди. Чупон ота ушбу олма кучатини бундан карийб йигирма йиллар илгари эккан. Уша вактда кучатни тез- тез сугориб турар эди. Бундан ташкари, намоз учун тахорат олганида обдастадаги ортиб колган сувларини хам яхши ниятда кучатга куйиб юрди.
Карияниг юзи ювилган тахорат сувида хам хикмат бордир, ким билсин. Хулласи калом, Аллох инояти билан халиги олма кучати тезда кукариб, гуркираб уса бошлади. Орадан куп вакт утмай мева хам беришга тушди. Чупон ота у пайтларда ёш булгани учун кайсидир чиройли олмага кузи тушса, дархол кулини чузиб олаверарди.
Ха… Аммо, орадан йиллар утди, халиги кирчиллаган ёшгина йигитча — кариб, бели букилиб, мункиллаган чол булди. Олма дарахти эса, аксинча, кун утган сайин буй чузиб, гуёки чинор дарахтидай баланд булиб бораверди. Олма дарахти канчалар усиб-улгаймасин, барибир чол учун у ёшгина боладай эди. Хали хануз уни “Болам” дея эркалатарди. Йиллар утиб анчагина кариб колган чол уз боласидай булиб колган олма ёнига келиб, силаб-сийпар эди-да, сунг: — Кани болам, шохингдан бугунги насийбамни хам тушир-чи, дер эди. Худди айтганидай: хеч канча вакт утмай бир олма туп этиб тушарди. Айни холат бир неча йиллар буйи узлуксиз, бирдай такрорланиб турди. Хакикатан, чол сураган вактда олманинг тушмай колиши – бирор маротаба хам юз бермаган эди. Кишлок ахли кариянинг бундай гайритабиий кароматларини бир неча бор кургач, “чупон ота авлиё экан” деган гап хам таркатиб юборишди.
Кунларнинг бирида чупон ота яна халиги олма дарахти соясида утириб, бироз мизгиб олди. Озгина дам олган булиб, сунг намозини укиди. Кейин олмага караб, хар доимгидай: уша кунги олмасини суради. Лекин, нимагадир олма мевалари гарк пишиб турса-да, кариянинг кулига бирорта хам олма тушмади. Кария хайрон… Бироз кутиб, уз хохишини такрор ва такрор билдирса хам кулига акалли битта хам олма тушмади. Кутди, кутди. Охири натижа булмагач, кария бу холатдан жуда каттик таъсирланди: кузлари ёшга тулди, киприклари-ю соколлари йигидан хул булиб кетди. Сунг, куйлари томон охистагина юриб кетди…
Мевага кирганидан буён бу дарахт чолнинг кулини бирор марта хам буш кайтармаганди-я! Нима булди экан?! Уй-хаёли, фикри-зикри факат шунда булди. Уйлайвериб, уйига етолмади. Кайгуга ботди, дили гаш булди. Худди дарахтдан кунгли колгандай булди. Чол узини буйи яна-да кичрайиб, бели букилиб, мункиллаб колгандай чорасиз хис килди. Шу алфозда аллаканча вакт юриб, молларини кайтарди-да, кишлоги сари йулга отланди. Бир пайт масжид томондан азон айтилаётганини эшитиб колди. Бу азон жуда узгача, таъсирли айтилаётган эди. Гуё азоннинг ортида кандайдир бир хурсандчилик, кувонч хислари хам яширингандай.
Бироз хаяллаб, уйга чумган кария – бирданига хаёлини жамлади, узини кулга олди. Тусатдан хурсанд булиб, йукотган нарсасини топгандай, табассум килиб жилмая бошлади. Шубхасиз, хаёлига кандайдир уй келган эди. Халигина гам-кайгу ёшлари оккан кузидан энди кувонч ёшлари окаётган кария шоша- пиша олма дарахти томон йулга тушди. Дарахт ёнига етиб келган захоти уни эркалаб, кенг кулочи билан кучоклай бошлади. Ва: — Болам… Болагинам. Узр. Менинг вафодор дарахтим. Ахир, хамма нарса ёдидан кутарилаверадиган мендек чолни хафа килмасдан билдирсанг булмасмиди?! Мен булсам тушунмабман-а… Ахир, бугун — руза ойининг биринчи куни экан-ку…
Хикоялар
Бир кария чупон…