Бир йигитнинг хасратли хикояси
Шу йилгача онам соглом эди. Тугрироги мен шундай деб уйлаган эканман. Чунки онам намозларни тик туриб адо киладиган, рамазон рузаларини, хатто нафл рузаларни хам кийналмасдан тутадиган, нафл ибодатларни асло канда килмайдиган мухлиса аёл эди. Мен хам намоз укийман, рузаларни тутаман. Мен рамазон ойида ота-онам билан бирга сахарлик килишни, улар билан бирга утириб ифторлик килишни узим учун унчалик мухим санамас эдим. Тугрисини айтсам, уларнинг хизматини килишга бироз бепарво эдим. Шунинг учун булса керак, сахарлик ва ифторликда улар нима еб-ичаётганига хам эътибор килмаганман. Узим эса сахарлик вакти тугашига ун дакика колганда уйгониб, дастурхонда нима бор булса, шуни еб-ичиб огиз ёпардим ва бомдодни укиб яна уйкуни давом эттираверар эдим.
Ота-онам билан бирга сахарлик килишимиз учун хотинимга “таом тайёрлаб бер” деб айтмаганман. Хотинимни аяйманми ёки ундан куркаманми билмадим?! Балки хотиним руза тутмагани учун уни тонг сахарлаб уйготгим келмагандир. Эхтимол …
Фарзандларим ёки хотиним бетоб булиб колса, дархол духтирга чопаман. Лекин онамни бирор марта духтирга олиб борганимни, унинг соглиги учун тунлари бедор булиб кайгурганимни эслолмайман. Онам эса духтирга узи бориб куринар эди. Индамагани учун булса керак, яхши экан деб хотиржам юраверибман. Аслида, уч-турт йил олдинок духтир онамга руза тутишни такиклаган экан. Мусулмон була туриб руза тутмасликни тасаввур кила олмаган онам кийналиб булса хам руза тутаверибди. Духтир онамга пархезни буюрганини билар эдим. Лекин онамга нима мумкин, нима эса мумкин эмаслигини мен нотовон сураб хам курмабман. Уйга бозорлик килсам, узимга ёкадиган нарсаларни харид килиб келаверар эдим. Хотиним нимани ёктиришини биламану, лекин онам нималарни ёктиришини билмайман.
Энди эса онамнинг бетоблиги голиб келиб, бу йилдан (2018) бошлаб рузани тутолмаяпти. Намозларни хам деярли утириб укиётган экан.
Онам хажга олиб боришимни роса хохлар эди. Имконим була туриб, буни хам шу кунгача ортга суриб келдим. Хозирги кунга келиб узок сафар килишга токат килолмайдиган булиб колди.
Бу йил хам руза тутяпман. …
Энди онамга сахарлик ёки ифторлик килиб беришимнинг фойдаси йук. Энди онам билан бирга сахарлик киладиган булсам, тонг сахар онамни безовта килган буламан. Чунки онам руза тутолмайди.
Афсусдаман, дуо килинглар, Аллох таоло онамга шифо берсин, онам билан бирга сахарлик ва ифторлик килай, онамга сахарлик ва ифторлик таомларини уз кулларим билан едириб куяй, илтимос дуо килинглар!
Ха, азизлар, эхтимол биз хам мазкур йигит каби бепарволикка йук куяётган булишмиз мумкин. Ота-онамизни ганимат билайлик. Умр утиб боряпти, ота-онамиз бизни кутиб туришмайди.
Хикоялар
Бир йигитнинг хасратли хикояси